धनगढी। धनगढी उपमहानगरपालिका वडा नम्बर ४ मा पुर्व अध्यक्ष र बर्तमान अध्यक्षको टकरावका कारण सिलान्यास गर्दाको सिलालेख लगाइएको छैन । भदौ १२ गते परराष्टमन्त्री आरजु राणा देउवाले उद्घाटन गरेको वडा कार्यालयमा सिलान्यासको सिलालेख नलगाइएपछि पुर्व अडा अध्यक्ष रिसाएका छन् । निबर्तमान वडा अध्यक्ष दिपक बहादुर थापा र बर्तमान अध्यक्ष बुद्धि बहादुर खड्काको आपसी टकरावका कारण सो सिलालेख वडा कार्यालयमा राखिएको छैन ।वडा कार्यालयका लागी जमिन खोज्ने देखी, भवन निर्माणको बजेट हाल्न लगाउने र सिलान्यास समेत आफ्नै कार्यकालमा मेयर, उप मेयरबाट गरिएपनि उद्घाटनमा सिलालेख समेत नराखिएको भन्दै निबर्तमान अध्यक्ष थापाले अशन्तुस्टी पोखेका छन् । तत्कालिन मेयर नृप बहादुर वड, उप मेयर शुसिला मिश्र भट्टले वडा कार्यालयको सिलान्यास गरिएपनि सो सिलालेख नराखिएको थापाले बताए । वडा कार्यालयको २० हजार बजेटबाट सिलालेख बनेको थियो थापाले भने “सो सिलालेखमा तत्कालिन मेयर नृप बहादुर वड, उप मेयर शुसिला मिश्र भट्ट, म स्वयम वडा अध्यक्ष, सदस्यहरु र सचिवको नाम लेखिएको थियो, भवन निर्माण सम्पन्न नभएका कारण सिलालेख बनाउने ठाउँमै राखिएको थियो, भवन उद्घाटनको तयारी भइरहेको खबर सुनेपछि म आफै सिलालेख ल्याएर यता राखेको थिए, इन्जिनियर लगायत जनप्रतिनिधिलाई सिलालेख बारे ध्यानाकर्षण गराएकै हुँ तर राखिएन, खै किन सिलान्यासकै सिलालेख राख्नुभएन वडा अध्यक्ष जानुन तर यो गलत गर्नुभएको छ ।”वडा कार्यालय भवनका लागी जमिन प्राप्तीकै बेला तत्कालिन सामुदायिक बनका अध्यक्ष समेत रहेका अहिलेका वडा अध्यक्ष ज्युले कस्तो भुमिका खेल्नुभएको थियो सबैलाई थाहानै छ उनले भने “त्यो बेला वडा कार्यालय बनाउन उहाँले समेत अवरोध गर्दा गर्दैपनि निकै मेहेनतका साथ जमिन प्राप्त गरेर भवन निर्माण गरेका थियौँ तर अहिले त्यसमा सिलान्यास गर्ने र तत्कालिन वडाको टिमको नाम भएको सिलालेख समेत राखिएन यसको हिसाब जनतालेनै गरुन, मात्र मैले यो २० हजार सरकारी बजेटको सिलालेख मेरै होटेलमा थन्कियो भनेर जानकारी गराउन खोजेको हुँ ।”