धनगढी। कैलाली बहुमुखी क्याम्पसबाट स्ववियु निर्वाचनमा सरिताले निर्वाचित भएका पदाधिकारी, सदस्यहरुभन्दा बढी ८६५ मत ल्याएर ‘म्यान अफ द इलेक्सन’ भएकी छन् ।भर्खर बैतडीबाट तराई झरेर केएमसीमा १९ वर्षको कलिलो उमेरमै लोकप्रिय मत ल्याएपछि सरितालाई बधाईको ओइरो आउन थालेको छ ।बैतडीको मेलौली नगरपालिका २ सलेना(सेली) घर भएकी सरिता केएमसीमा स्नातक तह मानविकी संकायको पोलिटेक्निकल साइन्स एण्ड जर्नालिजम पहिलो सेमेस्टरमा अध्ययनरत विद्यार्थी हुन् । सर्वाधिक मत पाएकी सरिता क्याम्पसमा पनि सबैसंग मिल्ने,अनुशासित विद्यार्थीका रुपमा चिनिन्छन् ।कांग्रेस पृष्ठभूमीबाट हुर्किएकी सरिताका बुवा देवदत्त भट्ट नेपाली कांग्रेस बैतडीको क्षेत्रीय प्रदेश सभा ख का सचिव छन् ।घरकी जेठी छोरी सरितालाई सानैदेखि कांग्रेसको कार्यक्रम भएमा संगै लैजान्थे । त्यसपछि सरिताले सानैबाट कांग्रेसबारेमा बुझ्न थालिन् । उसो त बुवा पनि संघर्षबाटै कांग्रेसको राजनीति सुरु गरेका हुन् ।नेविसंघ बैतडीकी जिल्ला सदस्य रहेकी सरिता प्लस टु सकेपश्चात स्नातक पढ्न धनगढी झरेपछि केएमसीमा भर्ना गरिन् ।पहिलो सेमेस्टरमा अध्ययनरत सरिता स्ववियु निर्वाचनको मिति घोषणा भएसंगै आफ्नो दाबेदारी पेस गर्न थालिन् ।सरिताको इच्छा त सभापति उठ्ने नभए पदाधिकारीसम्म उठ्ने रहेको थियो । तर प्रदेशकै सबैभन्दा बढी विद्यार्थी रहेको भनिएको यो क्याम्पसमा सरितालाई सदस्यसम्म पनि टिकट बल्ल मिल्यो ।मिलोस पनि कसरी बुढो पार्टीको विद्यार्थी संगठनमा भर्खर क्याम्पस भर्ना भएकी सरितालाई ।टिकट पाएपश्चात उनले आफू को हो? भन्ने कुरा प्रमाणित गरेकी छन् ।सर्वाधिक मतसहित जितेकी सरिताले पढाइसंगै राजनीति पनि गर्ने बताईन् ।