अहिलेको युग सूचनाको हो । हरेक गतिविधिमा सूचना जोडिएको छ । हामी हरेक गतिविधि सबै सूचना तथा सञ्चारकै माध्यमबाट प्राप्त गरिरहेका छौँ । हो, त्यसमा पनि अहिले डिजिटल प्रविधि लोकप्रिय बनेको छ । पहिले पहिले आम नागरिक पत्रपत्रिका, रेडियो तथा टेलिभिजनबाट सूचना, सञ्चार तथा मनोरञ्जन प्राप्त गर्दथे । पछिल्ला दिनहरुमा समयको माग अनुसार इलेक्ट्रोनिक मिडियाको महत्व बढेको छ । पछिल्लो केही समय यता भने सबैको हातमा एन्ड्रोइड मोबाइल भएसँगै हातमै हरेक कुराको जानकारी क्षणभरमै थाहा पाउन थालेका छन् । डिजिटल प्रविधिको बढ्दो आकर्षणसँगै हामीले पनि आम पाठक तथा दर्शकमाभ फूलवारी खबर अनलाइन पोर्टल र अनलाइन टेलिभिजन तथा युट्युव च्यानल ल्याएका छौँ । हामी गाउँवस्तीमा निर्माण भएका साँघु, चौतारो, पुल पुलेसा, बाटोघाटोदेखि लिएर अन्तरिक्षमा वैज्ञानिकले पत्ता लगाएका विज्ञानका कुरासम्म आम नागरिक समक्ष जस्ताको तस्तै पस्कने प्रयत्न गर्नेछौँ । हामी समाजका कूरीति, कुसंस्कारलाई चिरफार गर्दै ऐनाजस्तै छर्लङ्ग पारिदिने छौँ । यस्तै हामी हाम्रो न्युज पोर्टलमार्फत् भ्रष्टाचाररहित समाजको परिकल्पना गर्दै सरकारी अड्डा अदालतमा हुने गरेका भ्रष्टाचारका कुराहरु बाहिर ल्याउने प्रयास गर्नेछौँ । हामी पत्रकारितामा पनि ‘असली पत्रकारिता’को आयामको सुरुवात गर्नेछौँ । जसका लागि हामी खरोरुपमा प्रस्तुत हुनुका साथै कहिँ कतै प्रलोभनमा नपरी राष्ट्र, राष्ट्रियता र समाजका लागि सतिसाल भई उभिने छौँ । यसमा हाम्रो कलमको निभ कहिल्यै रोकिने छैन । बरु सकारात्मक समाजका लागि हाम्रो निभ अझै तीखो हुनेछ, यो हाम्रो प्रण हो । हाम्रो यो मिसनलाई शिखरको चुचुरोमा पुगाउने अभिभारा हाम्रा आम पाठक, दर्शक, शुभेच्छुक, विज्ञापनदाता र शुभचिन्तकको हुनेछ ।
हामि संग जोडिनुहोस