धनगढी  । कैलाली र कञ्चनपुरका विभिन्न स्थानबाट भन्सार छली गरि ल्याइएका सामाग्रीहरु बरामद गरिएको छ। कैलालीका विभिन्न स्थानहरू– धनगढी उपमहानगरपालिका र भजनी नगरपालिकाका विभिन्न क्षेत्रहरूबाट करीब २ लाख ९८ हजार २५० रुपियाँ बराबरका सामान बरामद भएका छन्। ती सामाग्रीमा चिनी, प्याज, सुजी, चक्लेट, बदाम, मोबाईल कभर, बिडी, सुर्ती, सुटपिस, बच्चाका कपडा लगायतका सामान समावेश छन्।यस्तै, कञ्चनपुरका बेलौरी र पुनर्वास नगरपालिका क्षेत्रबाट पनि भन्सार छली गरि ल्याइएका ७४ हजार ८५० रुपियाँ मूल्यका सामान फेला पारिएको छ। यसमा बिडी, सुर्ती, चक्लेट, ब्याट्री, पेय पदार्थ र बोईलर कुखुरा सामेल छन्।जिल्ला प्रहरी कार्यालय कैलाली र कञ्चनपुरका प्रहरी गस्ती टोलीले यी सामाग्रीहरू बेबारिसे अवस्थामा फेला पारी नियन्त्रणमा लिएका छन्।