धनगढी । कैलाली जिल्लाका विभिन्न स्थानहरूबाट भन्सार छलीको अवैध सामान बरामद गरिएको छ। जिल्ला प्रहरी कार्यालय कैलालीका अनुसार, धनगढी उपमहानगरपालिका(३ मिलनचोक, धनगढी उपमहानगरपालिका(१९ लल्लीपुर, टीकापुर नगरपालिका(८ सत्तिपुल नजिक र कैलारी गाउँपालिका(२ कैलारीगाँउमा अन्दाजी ६ लाख २८ हजार २५० रुपैयाँ बराबरको सामान बरामद भएको हो।प्रहरी गस्ती टोलीले फेला पारेका सामानमध्ये पेय पदार्थ, कुर्ती, ट्याक्टर, इलोक्टोनिक पार्टपुर्जा, चार्जिङ बोर्ड, मोबाईल डिस्प्ले, बिजुलीका सामान, बोईलर कुखुरा, सिद्रा माछा लगायतका सामग्रीहरू समावेश छन्। यी सबै सामान भारतबाट भन्सार छली गरि नेपालमा ल्याइएको बताइएको छ।अवैध सामान बरामद गर्ने क्रममा प्रहरी टोलीले विभिन्न स्थानहरूमा निरन्तर गस्ती गर्दै आएका थिए। प्रहरीले सबै सामग्री नियन्त्रणमा लिएर अनुसन्धान थालेको छ।