धनगढी । धनगढीमा खेलकुद क्षेत्रको विकासमा स्थनीय क्लबहरुले महत्वपूर्व योगदान दिएको पूर्वमन्त्री तथा सूदूरपश्चिम प्रदेश सभा सदस्य प्रकाशबहादुर देउवा बताएका छन् ।  कैलालीको धनगढी –१४ स्थित  न्यु सागर युवा क्लबले आयोजना गरेका  क्लब स्तरीय बृहत फुटबल प्रतियोगिताको उद्घाटन गर्नु हुँदै  पूर्वमन्त्री देउवा सो कुरा बताएका हुन् ।   उद्घाटन समारोहको प्रमुख अतिथि समेत रहेका पूर्वमन्त्री देउवाले धनगढीको फूलवारी क्षेत्र खेलकुदको लागि उर्वर स्थान भएकोले  यहाँको विकासको लागि  आफुले सक्दो प्रयास गर्ने बताए ।  उनले भने ," धनगढीको फूलवारी क्षेत्र विकासका हिसाबले केही पछाडी  परेको छ  यहाँको समर्ग विकासमा आगामी आर्थिक  वर्षको  बजेटमा  आफुले पुर्ण प्रयास गर्नेछु । अवाश्यकता र मागका अधारमा खेलकुद क्षेत्र र  अन्य भौतिक विकासमा बजेट बिनियोजन गर्नमा  भूमिका खेल्ने छु । " उनले आगामी बजेटमा धनगढी –१४का  सडक कालोपत्रे योजनाको कामलाई समेत अगाडी बढाउने आश्वासन  दिए । क्लबका अध्यक्ष अक्कल भण्डारीको अध्यक्षताको सम्पन्न भएको  फुटबल उद्घाटन समारोहमा  धनगढीका युवा समाजसेवी भिम पडाल बिशिष्ट अतिथि रहेका थिए ।  चैत २८ गते सम्म संचालन हुने फुटबल प्रतियोगितामा  बिभिन्न १६ क्लबको सहभागिता रहेको छ ।  प्रतियोगिताका बिजेता र उपबिजेतालाई ५१ हजार  २५ हजार पुरस्कार  प्रदान गरिने आयोजकले जनाएकाे छ ।