धनगढी । धनगढीका नगर प्रमुख र जग्गा व्यवसायी बिच एक महिना पहिलेनै जग्गा प्लटिङ्ग सम्बन्धी कार्यविधि संसोध गरी घटाउने सहमति भएको खुलेको छ ।धनगढीका नगर प्रमुख गोपाल हमाल र जग्गा व्यवसायी उपेन्द्र अबस्थी, उमेश गिरी बिच २०८१ फागुन २५ गते ५ बुदे आन्तरिक सहमति भएको हो । अबस्थी नेपाल जग्गा तथा अबास बिकास महासंघका केन्द्रीय सदस्य हुन् भने गिरी कैलाली महासंघका सल्लाहकार सदस्य हुन् ।सहमतिमा अवस्थीले अदालतमा जाहेर गरेको मुद्दा फिर्ता लग्ने र उपमहानगरपालिकाले राजपत्रमा प्रकाशित जग्गा प्लटिङ्ग सम्बन्धी कार्यविधि संशोधन गर्ने उल्लेख छ । धनगढी उपमहानगरपालिका जग्गा प्लटिङ्ग सम्बन्धी कार्यविधिमा व्यवस्था गरेको सडकको चौडाई १० मिटरबाट पछि हटने सहमति गरेको छ । नगर प्रमुख हमाल र उपमहानगरपालिकालाई विपक्षी बनाइएको सो कार्यविधिविरुद्धको फैसला आउन सकेको छैन । सो मुद्दा अदालतमा विचाराधिन रहेको छ । २०८० साल पुस ८ गते उपेन्द्र अवस्थीले अदालतमा रिट दायर गरेका थिए ।कार्यविधि कार्यपालिकामा छलफलनै नगरि धनगढीले राजपत्रमा प्रकाशित गरेपछि कार्यपालिका सदस्यहरु आक्रोशित थिए । सोही कारण नगर प्रमुख हमालले छ महिनासम्म कार्यपालिका बैठक र नगर सभा बसाउन सकेका थिएनन् । धनगढीका नगर प्रमुख गोपाल हमालले जग्गा प्लटिङ्ग सम्बन्धी कार्यविधि एक्लौटी ल्याएर कार्यपालिकामा सडक १० मिटर चौडाई बनाउने प्रस्ताब पास गराएका थिए । त्यसको बिरोधमा वडा अध्यक्ष, कार्यपालिका सदस्य र जग्गा व्यबसायीहरु बिरोधमा उत्रेका थिए ।अहिले अदालतमा बिचाराधिन रहेको सो कार्यविधिको मुद्दामा धनगढी नगर प्रमुख हमाल र जग्गा व्यवसायीबिच सहमति भएको हो ।अदालतमा उपेन्द्र अवस्थीले मुद्दा जाहेर गरेपछि उपमहानगरपालिकाका नगर प्रमुख गोपाल हमाल र जग्गा व्यवसायीबिच शुक्रबार आन्तरिक सहमति भएको खुलेको छ । सहमतिमा अवस्थीले अदालतमा जाहेर गरेको मुद्दा फिर्ता लग्ने र उपमहानगरपालिकाले राजपत्रमा प्रकाशित जग्गा प्लटिङ्ग सम्बन्धी कार्यविधि संशोधन गर्ने गरी बाटो ८ मिटरमा हुने र कार्यदल गठन गरी कार्यपालिका लगेर निर्णय गरिने सहमति भएको अबस्थीले जानकारी दिए ।नगर प्रमुख हमाल र उपमहानगरपालिकालाई विपक्षी बनाइएको सो कार्यविधिविरुद्धको फैसला आउन सकेको थिएन् ।अस्वभाविक तरिकाले सडकका नाममा नयाँ जग्गा प्लटिङ्ग सम्बन्धी कार्यविधि ल्याएपछि बिरोधमा उत्रेका थियौ’ जग्गा व्यबसायी अबस्थीले भने–‘हामीले यो कानुनका बिरोधमा सर्वोच्वमा मुद्दा दायर गरेका थियौ ।’ धनगढीका नगरप्रमुख हमाल र जग्गा व्यबसायी बिच सहमति पछि मुद्या फिर्ता गरेको अबस्थीले जानकारी दिएका छन् । कैलाली जग्गा तथा अबास संघका अध्यक्ष डबल ऐर र कानुन अधिकृत खडकसिह कुन्जेडाको रहोबारमा २०८१ फागुन २५ गते भएको सहमति भएको पत्रमा हस्ताक्षर रहेको छ ।