धनगढी । कैलालीको धनगढीमा बृहत लाइभ देउडा दोहोरी हुने भएको छ । शनिबार देउडा संस्कृती संरक्षण प्रतिष्ठानले पत्रकार सम्मेलन गर्दै पुष १५ को अवसर पारी आइतबार धनगढी रंगशालामा बृहत लाईभ देउडा दोहारी हुने जनाएको छ । सुदूरपश्चिम प्रदेशको देउडा संस्कृती र मौलिकताको संरक्षण गर्ने हेतुले बृहत लाईभ देउडा दोहोरी हुने जनाएको छ । लाइभ देउडा दोहारी कार्यक्रममा करिब दुई हजार भन्दा बढी देउडा प्रेमीले देउडा खेल्ने अनुमामन गरिएको देउडा संस्कृती संरक्षण प्रतिष्ठानका प्रदेश अध्यक्ष धुर्व बहादुर सिंहले बताए ।उनका अनुसार करिब चार सय भन्दा बढी देउडियाहरुको उपस्थिती रहने छ । सुदुरपश्चिम प्रदेश सरकारका प्रदेश प्रमुख देवराज जोशी प्रमुख अथिती रहने प्रतिष्ठानका प्रदेश अध्यक्ष सिंहले बताए । सो कार्यक्रममा विभिन्न १५ वटा विद्यालयहरुले आर्थिक सहयोग गरेको देउडा संस्कृती संरक्षण प्रतिष्ठानले जनाएको छ ।