घिउ विना दियो हजुर कत्ति बल्छ हाम्रो देशमा,
शक्तिको मात्र भक्ति कत्ति चल्छ हाम्रो देशमा।
कसैलाई थाहा छैन कस्ले लुट्यो देश भनेर,
भाषण गर्ने यीनै नेताको कत्ति छल्छ हाम्रो देशमा।
अन्यायमा तिमी पनि बोल म पनि बोल्छु हजुर,
विना कसुर सत्य कुरा कत्ति गल्छ हाम्रो देशमा।
जहाँ पनि एकै ड्याङका मुलाहरु छन खोजे भने,
जिउँदो मान्छे लाश बनेर कत्ति ढल्छ हाम्रो देशमा।
थाहाँ छ देश चार किल्लाको माटो हो भनेर मलाई,
भोकालाई सधैं कत्ति तल तल छ हाम्रो देशमा।
लवदेव धामी, लव
तपाइको प्रतिक्रिया दिनुहोस्