धनगढी । कैलालीको धनगढी उपमहानगरपालिका -१४का कृष्ण गहतराजले आफ्नी आमाको स्मृतिमा  अक्षयकोषको स्थापना गरेका छन् ।  स्वर्गिय आमा राममाया सुनारको वार्षिक पुण्यतिथिको अवसरमा  अक्षयकोषको स्थापना गरेका हुन् ।गहतराजले आफु अध्ययन गरेको विद्यालय   धनगढी-१४ स्थित फूलवारीमा रहेको जन जागृति माध्यमिक विद्यालयमा एक लाख एक हजार एकसय एघार रकमको अक्षयकोषको स्थापना गरेका हुन् ।  उनले  सो रकम एक कार्यक्रमका बिच  बिहिवार बिद्यालयका प्रधानाध्यापक टेकबहादुर क्षेत्रीलाई  हस्तान्तरण गरेका छन् ।सो अक्षयकोषको रकम हस्तान्तन्तरण कार्याक्रममा धनगढी -१४ का वडा अध्यक्षमान बहादुर बिष्ट प्रमुख आतिथि रहेका थिए ।जन्मदिने  आमाप्रतिको उच्च सम्मान स्वरुप यो कोषको स्थापना गरेको  गहतराजले बताए  ।  अक्षयकोषको वार्षिक व्याजबाट एक जना दलित र एक जना अपाङ्गता भएका विद्यार्थीलाई प्रत्येक वर्ष पढाई प्रोत्साहन स्वरुप पुरस्कार  प्रदान गरिने गहतराजको भनाई छ ।