धनगढी। महाशिवरात्रीको अवसरमा कैलालीको बेहडाबाबा मन्दिर परिसरमा २ करोड २५ लाख दीप प्रज्जवलन हुने भएको छ । आयोजक बेहडाबाबा फाउण्डेशन नेपाल धनगढीले आज मन्दिर परिर्षदमा पत्रकार सम्मेलनको आयोजना गरी फागुन २५ गते दिउँसो साडे ३ बजे सामुहिक दीप प्रज्जवलन हुने जानकारी दिएको छ ।आयोजक बेहडाबाबा फाउण्डेशन नेपालका संयोजक पदमराज जोशीले सुदूरपश्चिम प्रदेशमा पहिलो पटक हुन गईरहेको यो अभुतपर्व देवदुर्लभ महायत्रको कर्ता हुन पाउँनु खुशीको करा भएको बताए । उनले २ करोड २५ लाख दीप प्रज्जवलन को सम्पुर्ण जिम्मा आयोजकले लिने जानकारी दिए ।त्यस्तै संयोजक जोशीले ब्यक्तिगत रुपमा कसैले सवा एक लाख बती, तेल आदिका लागी ७ हजार एक सय रुपैया नगद भुक्तानी गर्ने सकिने ब्यवस्था समेत रहेको बताए । ७ हजार एक सय भुक्तानी गर्दा ब्यवस्थापन सकितीले सवा लाख बती, चाँदीको दियो, सुनको बती, बत्ती बाल्ने तिलको तेल र बती जलाउँने सवै ब्यवस्था गरिदिने प्रमुख आर्चाय मनिराज जोशीले जानकारी दिए ।आर्चाय जोशीले राष्ट्रिय अन्तराष्ट्रिय क्षेत्रमा छुटै पहिचान एव महिमामण्डित भएको भगवान भोलेनाथ बेहडाबाबा मन्दिरमा इतिहासमै पहलो पटक सपादद्धयकोटिबर्तिका दिप प्रज्जवलन हुनु उत्तम रहेको प्रतिक्रिया दिए ।