काठमाडौं । दशैंको छेको पारेर प्रदर्शनमा आएका तीन नेपाली फिल्मले यो पटक बहार ल्याए । ऐतिहासिक रूपमा नेपाली बक्स अफिसमा पहिलो पटक झण्डै ३५ करोडको कलेक्सन भयो । यो अंक आफैमा किर्तिमानी अंक हो । सदा झैं दशैंको अबसरमा फिल्म प्रदर्शनमा ल्याएर किर्तिमानी कमाई गरेको छक्का पञ्जाु टिमलाई यो पटकको यात्रा बिगतमा झैं सहज रहेन तर दर्शक तान्न भने उत्तिकै सफल रह्यो, कारण थियो छक्का पञ्जा ५ सँग टक्कर लिएर एकसाथ प्रदर्शनमा आएका अन्य दुई फिल्म १२ गाउँ र ज्वाइँ साब।दशैंलाई एकलौटी बनाउँदै आएको आमा सरस्वती मुभिजलाई तगारो बन्न आएका दुई फिल्म पनि कमजोर रहेनन् । आफ्नो आफ्ना दर्शक आफ्नो पक्षमा पार्दा १२ गाउँले त यतिबेला छक्का पञ्जा ५लाई नै उछिनिसकेको छ । अर्को फिल्म ज्वाइँ साबुलाई जतिपनि दर्शकले हेरे केहिले त अन्य दुई फिल्म भन्दा पनि राम्रो फिल्मको संज्ञा दिए । मुख्यतः नेपाली बक्सअफिसमा किङ बनेका दीपकराज गिरी र दीपाश्री निरौलाको टिमसँग टक्कर लिएर मैदानमा आउने बहादुरी देखाउनु र त्यसअघि नै रिलिज घोषणा गरिएको स्टार अभिनेता विराज भट्टको १२ गाउँसँग पनि भिड्न तयार हुनुलाई नै ज्वाइँ साबुको सफलता मानेका थिए धेरै दर्शक र फिल्मकर्मीले ।छक्का पञ्जा ५ र १२ गाउँका फ्यानबीच सामाजिक सञ्जालमा चलेको जुहारीले यो फिल्मलाई छायाँमा पार्ने अनुमान धेरैको थियो । तर नेपाली दर्शक राम्रो र नराम्रो छुट्याउने अवस्थामा पुगिसक्दा फिल्मले दर्शकलाई आफ्नो पक्षमा ल्याइ नै छाड्यो । हाउसफूल बनेका हलहरूमा निर्माण टिम र कलाकार पुगेर हात हल्लाउन पनि भ्याए, सेल्फीमा पनि रमाए । आफ्नो प्रडक्टप्रति मेकरको कन्फिडेन्स नै भिडन्तलाई तयार हुनु प्रमुख कारक थियो । निर्माता र निर्देशकले नै यसको श्रेय पाउँछन् । त्यसो त छक्का पञ्जाु टिमबाट बाहिरिएका जित नेपाल नै प्रमुख कलाकार रहनुले फिल्मले नाफाको प्रचार पनि पाउन सफल रह्यो । दोस्रो सप्ताहन्तमा ३ करोड २५ लाख बढिको कमाई गरेको निर्माण टिमले सार्वजनिक गर्दा धेरैले यो फिल्मको सफलतामा बधाई दिए । कारण थियो तत्कालिन दिनसम्म झण्डै १५,१५ करोड कमाउन सफल भइसकेका दुई महान हस्तीसँग मैदानमा उत्रिनु र यो प्रकारको सफलता पाउनु ।मुख्यतः फिल्म राम्रो बन्दा मात्रै दर्शकले साथ दिने हुन् । सुरुवाती दिनमा फिल्म हेर्ने दर्शकले जुन प्रकारको प्रतिक्रिया दिन्छन् त्यसैलाई फलो गरेर अन्य दर्शक हलमा पुग्ने हुन् । यसमा ुज्वाइँ साबु एक हिसाबले सफल रह्यो । अन्य फिल्मसँग तुलना गर्न आनाकानी गरेका निर्देशक बसन्त निरौंला आफुले फिल्म राम्रो बनाउन सफल भएकै कारण दर्शक हलमा आएको बताउँछन् । फिल्मले देशभरबाट ५ करोड बराबरको कलेकसन गरिसकेको दाबी निरौलाको छ ।सुरुवाती समयमा जुन स्टोरी लाइनअपमा काम सुरू गरेका थियौँ त्यतिबेला नै कुनैपनि फिल्मसँग प्रतिस्पर्धा गर्न समस्या छैन भन्नेमा ढुक्क थियौँ निरौला भन्छन,ुनेपालमा सोलो रिलिजको रूपमा एक्लै फिल्म हलमा ल्याउन त नसोच्ने झै अवस्था आइसक्यो, त्यसैले दशैँ नेपाली फिल्मको लागि सबैभन्दा ठूलो पर्व हो, यो समयमा प्रतिस्पर्धामा नै उत्रिने निर्णयले आएका थियौं ।ु शोज कम पाउनेमा पनि पहिल्यै बुझेको बताउने निरौला दर्शकको प्रतिक्रियाले एकाध दिनमा शोजहरूको बढोत्तरी हुनेमा ढुक्क थिए, भयो पनि त्यस्तै । फिल्मले तेस्रो दिनबाट राम्रो पिकअप लियो । ज्वाइँ साबु भन्दा अघि प्रदर्शनमा आएको फिल्म मेलाुलाई दर्शकले राम्रो साथ दिएकोले निरौलालाई झन राम्रो फिल्म ल्याउनु चुनौती थियो । तर यो पटकपनि निरौला सफल ठहरिए ।२०१२ मा निखिल उप्रेतीलाई लिएर विजयपथ फिल्म बनाएर निर्देशन यात्रा थालेका उनको प्रदर्शनको हिसाबले यो छैटौं फिल्म हो । त्यसो त उनले गायिका कोमल वलीलाई पहिलोपटक ठुलोपर्दामा ल्याएर राजनीतीु नाममा फिल्म पनि उनले नै बनाएका थिए । उक्त फिल्म हालसम्म कोमलको करियरको पहिलो र अन्तिम फिल्म हो । जहाँ राजेश हमाललाई निरौलाले एक्सन कट गरेका थिए ।एकपछि अर्को फिल्ममा परिपक्कता बढाउँदै गएका निरौलाले यो पटकबाट थप अब्बलता पस्केका छन् । फिल्म समिक्षकहरूको नजरमा पनि ज्वाइँ साबुलाई तारिफ योग्य बनाउन उनि सक्षम बने । अब आगामी दिनमा थप राम्रो फिल्म दिन उनलाई चुनौती थपिएको छ ।फिल्म जनराको हिसाब गर्दा निरौला एक्सन, सोसियल जनरादेखि कमेडीसम्म फिट भइसकेका छन् । हरेक प्रकारको प्रस्तुतिमा केहि न केहि नयाँ प्रयोग गरेका र आफ्नो ठाउँमा सफलता पाएका उनले नेपाली दर्शकमाझ भोलीको दिनमा आफुलाई कसरी उभ्याउँछन् त्यो भने पर्खिन लायक हुनेछ ।