धनगढी । नेपाली कांग्रेसकी केन्द्रीय सदस्य डा. आरजु राणा देउवाले पार्टीको  हितमा लाग्नुपर्ने बताएकि  छन्  । नेपाली कांग्रेस कैलाली क्षेत्र नम्बर ५ले आयोजना गरेको क्षेत्रीय भेलामा बोल्दै उनले  सो कुरा बताएकि हुन् । कार्यक्रममा बोल्दै डा. राणाले  पछिल्लो समय पार्टीमा बस्ने ,पद लिने, तर पार्टीको हित बिपरित काम गर्ने  प्रबृति मौलाएको भन्दै पार्टीको हितका लागि काम गर्नुपर्ने उनले बताइन् । क्षेत्रीय भेलाको प्रमुख अतिथि समेत रहेकी  डा. राणाले पार्टीले गरेका सकारात्मक गतिबिधिहरुको सामाजिक संजालको माध्यामबाट प्रचार गर्नुपर्ने समेत उनको भनाई छ । डा. राणाले भनिन् , ”पछिल्लो समय महिला हिंसा बढेका कारण  नेपाली कांग्रेस  महिला हिंसालाई नियन्त्रण गर्न  सक्रिय भएको छ । जसकालागि छुट्टै संयन्त्र बनाएर  महिला हिंसा नियन्त्रमा सक्रियता देखाएको  छ । ”  यस्तै  सोही कार्यक्रममा  बोल्दै डा . राणाले आफु राजनितिमा सक्रिय भएदेखि आफुमाथि षड्यन्त्र हुन थालेको बताउदै  जस्तो सुकै षड्यन्त्र भएपनि आफु बिचलित नहुने बताइन् । नक्कली भुटानी शरणार्थीमा आफ्नो नाम  अनावश्यक रुपमा चर्चामा ल्याईएको  बताउँदै राणाले यसमा आफ्नो कुनै दोष नभएको स्पष्ट पारिन्  । उनले भनिन, ” खाएको बीस पो लाग्छ नखाएको बीस कसरी लाग्छ ? ” कार्यक्रमा नेपाली कांग्रेसका केन्द्रीय सदस्य  नृप बहादुर वड, शुशिला मिश्र भट्ट, जीवन राना,  सुदूरपश्चिम प्रदेशका मुख्यमन्त्री कमल बहादुर शाह , प्रतिनिधि सभा सदस्य  डिल्लीराज पन्त , सुदूरपश्चिम प्रदेशका भौतिक पुर्वाधार  मन्त्री प्रकाश बहादुर देउवा लगाएतको सहभागिता रहेको थियो ।  कांग्रेसकी केन्द्रीय सदस्य डा .आरजु राणा  र रानालाई सम्मान नेपाली कांग्रेस  कैलाली क्षेत्र नम्बर ५ कार्य समितिले नेपाली कांग्रेसकी केन्द्रीय सदस्य डा . आरजु राणा देउवालाई सम्मान  गरेको छ ।  कैलाली  निर्वाचन क्षेत्र नम्बर ५ को  बिकासका लागि महत्वपूर्ण भूमिका निर्वाह गरेको भन्दै  क्षेत्रिय कार्य समितिले सम्मान गरेको हो । उनलाई क्षेत्रीय सभापति भीम पडालले  दोसल्ला सहित सम्मान पत्रका साथ सम्मान गरेका हुन् । यस्तै  राना समुदायबाट  नेपालमै  पहिलो बिद्याबारीधी  गरेको भन्दै जीवन रानालाई समेत सम्मान गरिएको छ । राना पनि नेपाली कांग्रेसकी केन्द्रीय सदस्य हुन्  ।