दिपायल। अस्थायी भवनबाट सेवा प्रवाह गर्दै आएको डोटीको बडीकेदार गाउँपालिकाको  सुविधासम्पन्न भवन निर्माण सम्पन्न भएको छ । सुदुरपश्चिम प्रदेशका मुख्यमन्त्री कमल बहादुर शाहाले  एक कार्यक्रमका बिच भवनको उद्घाटन  गरेका हुन् ।डोटीको बडिकेदार गाउँपालिकाको  सुविधासम्पन्न प्रशासनिक भवनको उद्घाटन गरिएको छ । काठमाडौँको सिंहदरबार संघियतापछि जनताको सेवाका लागि गाउँमै ठडिन थालेका हुन्। जनतालाई सेवा सुविधामा सरलता प्रदान गर्नका लागि  निर्माण भएको भवनको सुदुरपश्चिम प्रदेशका मुख्य मन्त्री कमलबहादुर शाहाले उद्घाटन गरे । बडिकेदार गाउँपालिकाको नवनिर्मित भवनबाट जनताले सहज रुपमा सेवा पाउने र पालिकाको समग्र बिकासको लागि प्रतिबद्ध रहेको सुदुरपश्चिम प्रदेशका मुख्य मन्त्री कमलबहादुर शाहाले बताए ।  ै पछिल्लो पटक हामी स्थिर सरकारको पक्षमा छु,सबै प्रदेशमा रहेका दलहरुसँग मैले छ्लफल अगाडी बढाएको छु । हिजोको निर्वाचनमा हामी जसरी जनताका बिचमा स्थिर सरकार बनाउने छौ भन्ने बाचा गरेका थियाँै । त्यसको पुर्ण कार्यान्वयनमा सरकार अगाडि बढिरहेका बेला केही परिवर्तनका संकेत देखिएका छन् । यसमा पनि हामीले सबैसँग प्रदेशको समृद्धि बिकासका लागि स्थिर सरकार अहिलेको आवश्यकता रहेकाले त्यसका लागि आफुले पहल थाली सकेको उनको मुख्य मन्त्री शाहको भनाई छ ।समग्र बडिकेदार गाउँपालिकाको समस्याहरु राख्दै बडिकेदार धामको बिकाससंगै सहजपुर बोगटान सडक , थप कालोपत्र बडिकेदार गाउँपालिकामा  युद्धपार्कबाट थप बिकास गर्न पहल गरिने सुदुरपश्चिम् प्रदेश सभा सदस्य शिव सिंह ओलिले बताए ।३ तले पक्कि भवनको प्राबिधिक स्टमेट भएपनि हाल लाई दुई तला मात्र निर्माण गरिएको छ । बडिकेदार गाउँपालिका कृषि लगायत समग्र क्षेत्रमा प्रचुर सभावना बोकेको पालिकाको हो । कृषि र पर्यटनबाटै पालिकाको बिकास गर्न सकिने बडिकेदार गाउँपाकिकाका अध्यक्ष भैरब बहादुर साउदले बताए । २०७८ असारमा गाउँपालिकाले निमार्ण कम्पनी सनलाईट कन्स्ट्रक्सन प्रालि अछाम सगं ३ करोड ५७ लाख ४७ हजार ७ सय २८ रुपैया ९३पैसा भ्याट सहित  सम्झैता गरेको थियो । भवन निर्माण सम्पन्न भए पनि भवनको माथिल्लो तला निर्माण गर्नु पर्ने छ । पालिकाका ग्रामीण भेगमा अहिले पनि  स्तरीय सडक पुग्न सकेका  छैन । यी समस्यालाइ प्रदेश र केन्द्र सरकारबाट समधानको लागि सहयोग गरिदिन बडिकेदार गाउँपालिकाका उपाध्यक्ष डम्बरी बिष्ट कलेलले बताईन् । नयाँ प्रशासनिक भवनपछि यहाँका कर्मचारीहरु नयाँ जोस उमंगका साथ काम गर्ने र जनतालाई स्तरीय छिटो छरितो सेवा प्रदान गरिने बडिकेदार गाउँपालिकाका प्रमुख प्रशासकिय अधिकृत सन्दिप न्यौपानेले बताए ।