धनगढी । कैलालीको धनगढीमा धर्मदेव पशुपति स्मृति दोस्रो खुल्ला राष्ट्रिय ब्याडमिन्टन प्रतियोगिता हुने भएको छ । पुलिस पब्लिक ब्याडमिन्टन क्लबको आयोजनामा फागुन ११ गतेदेखि प्रतियोगिता हुने भएको हो ।
प्रतियोगितामा खुल्ला डबल्स, ४५ प्लस भेट्रान र ५५ प्लस भेट्रान गरी तीन विधा समावेश गरिएको पुलिस पब्लिक ब्याडमिन्टन क्लबका अध्यक्ष चेतराज जोशीले जानकारी दिए ।
तीन वटै विधाका विजयी खेलाडीहरुलाई नगद २ लाख ४९ हजार पुरस्कार दिइने भएको छ । खुल्ला डबल्समा प्रथमलाई ६१ हजार, द्वितीयलाई ४१ हजार र तृतीयलाई ३१ हजार रुपैयाँ रकम पुरस्कारसँगै मेडल तथा ट्रफी प्रदान गरिने अध्यक्ष जोशीले बताए ।
४५ प्लस भेट्रान अर्न्तगत प्रथमलाई ४१ हजार, द्वितीयलाई ३१ हजार र तृतीयलाई २१ हजार रुपैयाँ नगद तथा ५५ प्लस भेट्रान अन्तर्गत प्रथमलाई ११ हजार, द्वितीयलाई ७ हजार र तृतीयलाई ५ हजार रुपैयाँ नगदसहित ट्रफी, मेडल प्रदान गरिने उनले बताए ।
तपाइको प्रतिक्रिया दिनुहोस्