बिगत ५ वर्ष देखि भारत को मुम्बई मा काम गर्दै गीत गाउदै गरेका भुपेन्द्र शाही सानैदेखि गीत संगीतमा रुचि राख्थे । दैलेख जिल्लाको लकान्द्र गाविसमा जन्मेका शाहीको सानै उमेरदेखि नै गायक बन्ने चाहाना थियो । बिकट ठाउँमा जन्मेका कारण पनि उनले सानैदेखि आफ्नो कला देखाउने अवसर पाएनन् । तर, बेलामौकामा उनि आफ्नो कला देखाउने गर्थे । कहिले गाउँघर डुल्दा त कहिले घाँस दाउरा गर्न जादा सधै गीत गाएर साथीहरुलाई सुनाउथे । विद्यालयहरुमा कहिले काहि कुनै कार्यक्रम हुँदा मात्र उनलाई आफ्नो कला देखाउने अवसर जुद्धथ्यो । पारिवारिक परिस्थितिका कारणले गर्दा उनि आफ्नो घर परिवार छोडेर भारत पस्न बाध्य भए । एउटा नयाँ आशाको किरण बोकेर मुम्बई गएका गायक शाहीले अन्तत गीत गाएर आफ्नो गायक बन्ने सपना पुरा गरेरै छाडे । गीत गाउनुका साथ–साथै उनि गीत पनि आफै लेख्न रुचाउछन् । मुम्बई गएको केहि समयमै उनले दर्जनौ गीत लेखे र गाए पनि। उनका केहि गीतहरु बजारमा आउने तयारीमा छन् । केहि हप्ता पहिले उनको "पाईन मैले गाउमा रमाउन" बोलको गीतले दर्शक र श्रॊताहरुको मन जित्न सफल भएको छ । परदेशमा बस्ने भएकाले शाहीका धेरैजसो गीतहरु परदेशीका दुख र मर्म दर्शाउने खालका हुन्छन । उनले गीत का साथसाथै चाडैनै समाजका कुरीति र कुसंस्कारका विरुद्ध आवाज उठाउन र समाजमा बढ्दो बिकिर्ती हटाउन हाँस्यबयाँग्य विडियोहरु ल्याउने तयारीमा रहेको हामीलाई बताउनु भयो । आगामी दिनहरुमा पनि यसैगरि सबैलाई मनोरंजन प्रदान गर्दै जाउन यही छ फुलबारी खबरको तर्फ बाट शुभकामना ।