एजेन्सी : उमेर ढल्किदै जाँदा पनि हुने सुन्दर हुने चाहाना कसलाई हुँदैन् र । त्यसैले स्वस्थ रहन खानपान, व्यायाममा ख्याल गर्नु पर्छ । यी उपाय अपनाउने हाे, भने छाला तन्दुरुस्त राखेर जवान देखिने सकिन्छ । यस्ता छन्, उपाय । १. हाम्रो शरीर र छालामा रहेका कोषिकाहरू पुरानो भएर मर्ने र नयाँ उत्पन्न हुने क्रम जारी रहन्छ । नयाँ कोषिका बढी सिर्जना भयो भने छालाको चमक कायम रहन्छ । छालामा चाउरी नपरोस् भन्नका लागि स्वस्थ्यकर र ताजा खाना खानु पर्छ । यसले नयाँ कोषिका सिर्जना गर्न मद्दत गर्छ । २. छालालाई स्वस्थ राख्न यसलाई पानीले सिञ्चित गरिरहनुपर्छ । शरीरमा पानीको मात्रा कम भयो भने छाला सुक्खा र अनाकर्षक बन्न पुग्छ । छालाको सुन्दरतालाई कायम राख्न र उमेर ढल्किँदै गए पनि यसको चमक गुम्न नदिन प्रतिदिन तीनदेखि ४ लिटर पानी पिउने गर्नुहाेस् । यसरी पानी पिउनाले छालालाई खराब गर्ने ‘टक्सिन’हरू पसिना र पिसाबबाट बाहिर जाने गर्छन् । ३. हर्बल र ग्रिन टीमा एन्टिअक्सिडेन्टको मात्रा उच्च हुन्छ । यसले छालाको बुढ्यौली घटाउने गर्छ । ४. उमेर घर्किंदै जान थालेको छ भने तुरुन्तै हर्बल र ग्रिन टीको बानी लगानुहोला । कफी र अन्य क्याफिनयुक्त पेय पदार्थले शरीरलाई डिहाइड्रेट गराउँछ । जसकारण अनुहारको चमक हराउन पुग्छ । साथै, कफी खानाले मानसिक तनावसमेत बढ्छ । जसले छालालाई थप बिगार्ने गर्छ । ५. कफी बढी खानाले शरीरमा पानीको मात्रा कम हुन्छ । त्यही भएर कफी बढी खाने मानिस चाँडै बुढोजस्तो देखिन थाल्छ, छाला चाउरिन थाल्छ । ६. नियमित व्यायाम गर्नाले मानिस जवान देखिन्छ । व्यायाम गर्दा शरीरमा रक्तसञ्चार र श्वासप्रश्वास तीव्र हुन्छ । यसले शरीरका हरेक कोषिकामा पोषक तत्व पुर्याउने गर्छ । साथै, तीव्र श्वासप्रश्वास र रक्तसञ्चार हुँदा शरीरमा अक्सिजनको इन्टेक पनि बढ्न पुग्छ । यसले छालालाई सुक्खा हुन अथवा चाउरी पर्न दिँदैन । ७. तनाव लिनाले शरीरका विभिन्न कोषिका नष्ट हुन्छन् । यस्ता कोषिका नष्ट भएमा छाला झोल्लिएजस्तो देखिने, दाग देखिने, चाउरी देखिने, छाला रुखासुक्खा हुने लगायत हुन्छन् । तसर्थ, ध्यान, योग, जगिङ, गार्डेनिङ, घरपालुवा जनावरसँगको घुलमिल, खेलकुद आदिले तनावको मात्रा घटाउछन् ।