म आफै पर्याप्त छु !
अरुको तारिफ गरिरहनु पर्दैन,
आफ्नो हृदय बुझ्दा डर मान्नु पर्दैन ।
मायाको संसार त मुटुभित्रै छ,
त्यसैले त म आफै पर्याप्त छु ।
अरुको सहमतिले नभए पनि के भो,
आफ्नै हिम्मतले चलेको छ जिन्दगी यो ।
म छाया जस्तै आफैसङ्ग सधै छु,
त्यसैले त म आफै पर्याप्त छु ।
म पनि खुला आकाशजस्तै विशाल छु,
म पनि धर्ती जस्तै सहनशील बलवान् छु ।
अरुले के सोच्ला भन्ने डर छैन,
किनभने म आफै पर्याप्त छु ।
कसैले बुझोस या नबुझोस मलाई,
किनकी आफ्नो कथा आफै लेख्न आउँछ मलाई ।
अन्धकारमा पनि आफै दियो जस्तै बलिदिन्छु,
त्यसैले त म आफै पर्याप्त छु ।
जुनि-जुनिको माया उसलाई मात्र बाढ्छु,
हजारौ सपना पनि ऊ सङ्गै सजाउछु।
जीवनका भोगाइ, कठिनाइ आफैले टार्छु,
त्यसैले त म आफै पर्याप्त छु ।
बिन्दु धामी, बिद्यार्थी : दार्चुला बहुमुखी क्याम्पस दार्चुला
तपाइको प्रतिक्रिया दिनुहोस्