आजको दिन सम्पूर्ण मानवजातिका लागि प्रेरणाको दिन हो। श्रीकृष्ण जन्माष्टमी केवल एउटा धार्मिक पर्व मात्र होइन, यो सत्य, धर्म र प्रेमको अमर स्मरण हो। कारागारको अन्धकारबीच जन्मिएका श्रीकृष्णले संसारलाई प्रकाश दिनुभयो। उहाँको जीवनले देखाएको बाटो आज पनि प्रत्येक हृदयमा आशा र साहसको दीप जलाइरहेको छ।कृष्णले गीता मार्फत दिएका शिक्षा– “कर्म गर, फलको चिन्ता नगर”– आज पनि जीवनको मूल मन्त्र बनेको छ। संकटका बीच सत्यको रक्षा गर्नुभएको, अन्यायविरुद्ध लड्नुभएको र प्रेमलाई उच्चतम सत्यका रूपमा प्रस्तुत गर्नुभएको उहाँकै प्रेरणा हो।जन्माष्टमीले हामीलाई सम्झाउँछ  अन्धकारबीच पनि उज्यालो आउँछ। अन्याय अन्ततः पराजित हुन्छ। प्रेम, करुणा र सत्य नै जीवनको सार हो।यस दिन हामी सबैले आफ्ना मनका दुष्प्रवृत्ति, ईर्ष्या, लोभ र क्रोधको कारागार तोडेर आत्मा भित्रको श्रीकृष्णलाई जगाउने संकल्प गरौं।श्रीकृष्ण जन्माष्टमीको यस पावन अवसरमा सबैमा सत्य, प्रेम र सदाचारको भावना जागोस् भन्ने शुभकामना।लेखक: भोजराज अवस्थी, पाटन बहुमुखी क्याम्पस बैतडीका बिद्यार्थी