धनगढी । पत्रकार महासङ्घ कैलालीका अध्यक्ष श्रवण देउवा सम्मानित भएका छन्। हिमशिखर बहुउद्देश्यीय सहकारी संस्था लिमिटेडको १६ औँ वार्षिक साधारण सभामा देउवा सम्मानित भएका हुन्।देउवालाई सहकारी क्षेत्रको प्रचारप्रसार संरक्षण र सम्बर्द्धन गर्न सकारात्मक रुपमा कलम चलाई समाजलाई ठूलो योगदान गरेको प्रति उच्च कदर गर्दै सहकारीले आज आफ्नो १६ औँ वार्षिक साधारण सभाको उपलक्ष्यमा नगद ५ हजार सहित प्रमाणपत्र प्रदान गर्दै सम्मान गरेको हो।सम्मान पत्र प्रदान गर्दै भविष्यमा पनि संस्थाले यत्तिकै साथ सहयोग अपेक्षा गरेको र सहकारीको क्षेत्रमा कलम सदैव निडर भएर चलाइ राख्न समेत हिमशिखर सहकारी संस्थाका सञ्चालकहरूले आग्रह गरेका छन्। देउवा प्राईमटाईम टेलिभजनका सुदूरपश्चिम प्रदेश प्रमुख तथा सुदूरपत्र डटकमका सम्पादकको भूमिकामा  रहेका छन्  ।