अछाम ।अछामको ढकारी गाउँपालिकामा आँखा उपचार केन्द्रको बिहिवार एक कार्यक्रमका बीच उद्घाटन गरिएको छ । जिल्लाको विकट गाउँपालिकामा आँखा उपचार केन्द्र स्थापना भएपछि गाउँघरमै उपचार सेवा पाइने भन्दै स्थानीयहरू खुसी भएका छन् ।टाढा गएर उपचार गराउन आर्थिक अवस्थाले नभ्याउने हुँदा नागरिकको स्वास्थ्य उपचारका लागि पालिकामै आँखा उपचार केन्द्र संचालन गरेको गाउँपालिका  अध्यक्ष प्रकाश साउदले बताए । अब आँखाको सामान्य समस्या आउँदा पनि उपचारको लागी जिल्ला बाहिर जानुपर्ने समस्याको समाधान भएको बताए । चिकित्सकको व्यवस्थापन पालिकाले गरेको अध्यक्ष साउदले भनाई छ । मानवशरीरको संवेदनशील अङ्ग मध्येको आखाँको उपचारको अब गाउँपालिका भित्रै हुने र बेलाबेलामा गाउँबस्ती नै पुगेर आखाँ शिवीरको आयोजना गरी नागरिकको सेवा गर्ने लक्ष्य रहेको समेत उनको भनाइ छ ।च्यारिटि फाउन्डेसन नेपालको प्राविधिक सहयोग रहेको आँखा उपचार केन्द्रमा सहायक नेत्र चिकित्सक र एक जना सहयोगीबाट दैनिक सेवा प्रदान गरिने गाउँपालिका निमित्त प्रमुख प्रशासकीय अधिकृत टेकनारायण पोखरेलले बताए । उद्घाटन कार्यक्रमका प्रमुख अतिथि निवर्तमान गाउँपालिका अध्यक्ष धनबहादुर बुढा रहनु भएको थियो भने विशिष्ट अतिथि गाउँपालिका उपाध्यक्ष नेत्रकला देबि  शाही रहनुभएको थियो । कार्यक्रममा विभिन्न सरोकारवालाको उपस्थिती  रहेको सूचना अधिकारी  बिक्रम बोहराले जानकारी दिए   । उक्त कार्यक्रमको संचालन ढकारी गाउँपालिका प्रशासन शाखा प्रमुख नवीन रिमालले गरेका थिए  ।