धनगढी ।सारथि अस्पताल प्रालि नयाँ व्यवस्थापन सहित धनगढी मेन रोडको रातो पुल स्थित सेवा सुरु गर्ने भएको छ । पुरानो प्रदेश सभा भवन नजिकै रहेको सारथि अस्पताल भाद्र १ गते देखी नयाँ स्थान रातो पुल देखी सञ्चालन गर्ने भएको अस्पताल प्रशासनले जानकारी दिएको छ । पुरानो स्थानमा आगलागीबाट स्थान साँघुरो भएपछि नयाँ स्थानमा आफ्नै भवन निर्माण गरी अस्पतालको सेवा सुरु गर्न लागेको हो । सारथि अस्पतालले अन्तर्राष्ट्रिय गुणस्तर प्रमाणपत्र आईएसओ ९००१ प्राप्त गरेको छ । यो प्रमाणपत्रको म्याद सन् २०२७ सम्म रहने बताइएको छ । अस्पतालले आफ्नो व्यवस्थापन, वस्तु तथा सेवाको गुणस्तर, उपभोक्ता सन्तुष्टि आदिमा पहिलेको भन्दा उल्लेख्य सुधार गर्दै आइएसओ अन्तर्राष्ट्रिय गुणस्तर प्रमाणपत्र पाउन सफल भएको हो । अन्तर्राष्ट्रिय स्तरको गुणस्तर प्रमाणित भएकाले अस्पताललाई उपभोक्ताको विश्वास अझ एक तहमाथि पुगेको अस्पतालको भनाई छ । अस्पतालले अत्याधुनिक सुविधा सम्पन्न स्वास्थ्य सेवा प्रदान गर्दै आएको छ । अब नयाँ व्यवस्थापनमा अस्पतालले सिटी स्क्यान र एमआरआई सबै एसी सहित नवजात शिशु तथा बाल रोग सेवा, हाड जोर्नी तथा नसा रोग सेवा, जनरल मेडिसिन (फिजिसियन) सेवा, जनरल तथा दूरबिनबाट अप्रेसन सेवा, स्त्री तथा प्रसूति रोग सेवा, भिडियो एक्स रे (रेडियोलोजी) सेवा, मानसिक तथा नशा रोग सेवा, मुख, अनुहार तथा बङ्गारा रोग सेवा, नाक कान घाँटी रोग सेवा, छाला कुष्ठरोग सौन्दर्य तथा यौन रोग सेवा, मृगौला तथा मुत्र रोग सेवा, न्युरो मस्तिष्क नशा तथा मेरुदण्ड रोग सेवा, एनेस्थेसिया तथा क्रिटिकल केयर सेवा लगायतका सेवाहरू प्रदान गर्ने बताएको छ ।