फूलवारी, ९ चैत। स्थानीय निकायको चुनाव नजिकिदै गर्दा नेपाली काँग्रेसले ‘घर-घर जाऔँ, काँग्रेस जिताऔ’ अभियानलाई तिब्रता दिएको छ ।
अभियान अन्तर्गत नेपाली काँग्रेसले टोल कमिटी गठनलाई समेत तिब्रता दिएको छ । अभियान अन्तर्गत धनगढी उपमहानगरपालिकाको वडा नम्बर १९ मा टोल समिति कमिटी गठन भएको छ । वडा नम्बर १९ को ललितपुरमा नेपाली काँग्रेसको टोल कमिटी गठन भएको हो ।

प्रदेश नोनवुवा चौधरीको सभापतिमा टोल कमिटी गठन भएको हो ।
कमिटीको उप–सभापतिमा सर्वकुमार चौधरी, सचिवमा कृष्णीदेवी, कोषाध्यक्षमा प्रमीला चौधरी चयन भएका छन् ।
कमिटीको सदस्यमा बिरबहादुर चौधरी, रितुदेवी चौधरी, कृष्णा चौधरी, सन्तराम चौधरी र शिवप्रसाद चौधरी चयन भएका छन् ।
वडा नम्बर १९ का सभापति मंगलबहादुर सिंहको अध्यक्षतामा भएको कार्यक्रममा नेपाली काँग्रेसका महासमिति सदस्य बाँधुराम चौधरी प्रमुख अतिथी रहेका थिए । कार्यक्रममा नेपाली काँग्रेस प्रदेश (क) का  बिभिन्न नेताहरुको उपस्थिति रहेको थियो ।