ओली–नेपालबीच सिंहदरबारमा एक घण्टादेखि छलफल जारी
Share
झलक दवाडी 2078-01-31

धनगढी,३१बैशाख।पार्टीभित्र देखिएको विवाद समाधानको प्रयास स्वरुप सत्तारुढ नेकपा एमालेको दुइ पक्षबीच सिंहदरबारमा एक घण्टादेखि छलफल चलिरहेको छ । प्रधानमन्त्री कार्यालय सिंहदरबारमा साझ पौने ७ बजेदेखि छलफल चलिरहेको हो । 

छलफलमा प्रधानमन्त्री एवं एमाले अध्यक्ष केपी शर्मा ओली तथा माधव नेपाल सहित दुवै पक्षका प्रभावशाली नेताहरु सहभागि छन् । अध्यक्ष ओली र नेता नेपालबीच हिजो क्याप्टेन रामेश्वर थापाको घरमा भएको छलफलमा एमालेलाई पार्टी एकता अगाडिको अवस्थामा फर्काउने भद्र सहमति भएको थियो । 

पार्टीको विवाद अन्त्यका लागि कार्यदल बनाएर छलफल गर्ने दुइ नेताबीच सहमति भएको थियो । कार्यदलमा बस्ने सदस्यहरुसहित ओली र नेपालबीच अहिले छलफल चलिरहेको छ ।