धनगढी । एसईई आईडल सिजन–३ हुने भएको छ। प्रभात मिडिया एण्ड ईभेन्सको आयोजनामा एकल नृत्य र एकल गायन गरी दुई विधामा प्रतियोगिताको सिजन गरिने भएको हो। यसभन्दा पहिले २ वटा संस्करण सम्पन्न भइसकेका छन्।अबको तेस्रो अडिसनका लागि असोजदेखि फागुनसम्म पहिलो अडिसन २०८० मा एसईई परीक्षा दिने विद्यार्थीहरूका लागि खुल्ला गरिएको सोमबार पत्रकार सम्मेलनमार्फत् जानकारी दिइएको हो। सुदूरपश्चिमका ९ वटै जिल्लाबाट अडिसन लिइने आयोजकले जनाएको छ।कलाकारितामा आफ्नो भविष्य खोजिरहेकाहरूलाई अवसर दिइने यस प्रतियोगितको उद्देश्य रहेको छ। सुदूरका ९ जिल्लाबाट दईवटै विधाबाट ६० जना विद्यार्थी पहिलो राउण्डका लागि छानिने छन् भने दोस्रो राउण्डका लागि नृत्य र गायन गरी ३०–३० जनाले फाइनलका लागि भिड्ने प्रतियोगिताका आयोजक प्रकाश छेडालले बताए।पहिलो चरण असोजबाट शुरु भई फागुनसम्म चल्ने छ। यस्तै दोस्रो चरण एसईई दिएको केहीदिनमा र फाइन २०८१ असार १ गते शनिबारका दिन हुने आयोजकले जनाएको छ।यसभन्दा पहिलेको सिजनको अडिसनमा नृत्य र गायक गरी दुई विधाका लागी विजेतलाई नगद रु ५० हजार र द्वतीयलाई नगद रु २५ हजारसँगै स्कलरसीपको व्यवस्था रहेको थियो। तर यसवर्ष भने गायन र नृत्यका विजेताले नगद रु ५०–५० हजार र द्वतीयले पनि २५–२५ हजार नगदसँगै स्कलरसीप पाउने व्यवस्था समेत रहेको आयोजकले जनाएको छ।