धनगढी । नेपालमा बालमृत्युको लगभग ८५ प्रतिशत मृत्यु जन्मेको एक वर्षभित्रै र ६७ प्रतिशत जन्मेको २८ दिन (नवजात अवस्था) भित्रै हुन्छ । आधाभन्दा बढी (५३ प्रतिशत) बालबालिकाको मृत्युको कारण कुपोषण रहेको छ ।भिटामिन ‘ए’को पर्याप्तताले ३४ प्रतिशतसम्म बाल मृत्युदर घटाउन मद्दत गर्छ । गम्भीर शीघ्र कुपोषण भएको बच्चा, अन्य बच्चाको तुलनामा ५ देखि २० गुणा बढी ज्यान जान सक्ने सम्भावना रहन्छ ।बालबालिकामा हुने पुड्काेपन, जन्मँदै कम तौल, ख्याउटेपन, आइरनको कमीले हुने रक्तअल्पता र न्यून आयोडिनले बौद्धिक क्षमतामा समेत उल्लेख्य असर गर्दछ ।कुषोषणले भविष्यमा दीर्घरोगहरू मधुमेह, मोटोपना, उच्च रक्तचाप, मुटुरोग र छिटो बुढ्यौलीपना हुने समस्या बढाउँछ । कार्बोहाइड्रेट, चिल्लो पदार्थ, प्रोटिन, खनिज तत्त्व, भिटामिनयुक्त आहार पर्याप्त खाएमा शरीरलाई पोषण प्राप्त हुन्छ ।