धनगढी । नेपाल सरकारकी परराष्ट्रमन्त्री डा आरजु राणा देउवा आज दिनभर विकास निर्माणका योजनाको उद्घाटन तथा शिलान्यास कार्यक्रममा सहभागि  रहने बताईएको छ । धनगढी उपमहानगरपालिकाले निर्माण सम्पन्न गरेका तथा सुरु हुने योजनाहरुको उद्घाटन र शिलान्यासमा सहभागिता रहने धनगढी उपमहानगरपालिकाले सार्वजनिक  गरेको सूचनामा उल्लेख छ ।बिहान ९ बजे  नेपाल बिद्यार्थी संघ धनगढी नगर कार्यसमितिले आयोजना गरेको  लागु औषध बिरुद्धको पैदल यात्रमा सहभागि भए पश्चात  विकास आयोजनाहरुको उद्घाटन तथा शिलान्यास कार्यक्रममा व्यस्त रहने कार्यतालिका रहेको बताईएको छ  ।जस अन्तरगत  धनगढी उमहानगरपालिका वडा नम्बर १९  स्थित जनप्रिय आधारभूत विद्यालयको ८कोठे पक्की भवन , १७ मा रहेको  दमौलिया झोलुङ्गे पुल, ११  मा जोकैया पक्की पुल, २  नम्बर वडा कार्यालयको प्रशासनिक भवनको उद्घाटन  गरिने कार्यतालिका रहेको छ । आज नै  वडा नम्बर १६मा रहेको  बेहडाबाबा  माद्यामिक विद्यालयको ८ कोठे पक्की  भवनको शिलान्यास कार्यक्रम रहेको  उपमानगपालिकाले जारी गरेको सूचनामा उल्लेख रहेको छ । २५ गते नेपाली कांग्रेसको जिल्ला सम्मेलनमा सहभागि हुन धनगढी पुग्नुभएकी परराष्ट्रमन्त्री डा राणा विभन्न सार्वजनिक कार्यक्रममा  सक्रिय  रहेकी छिन् ।