धनगढी । कैलालीको धनगढीमा रहेको बेहडाबाबा मन्दिरमा २ करोड २५ लाख दीप प्रज्ज्वलन गरिने भएको छ । धनगढी १६ मा रहेको बेहडाबाबा मन्दिरमा महाशिवरात्री अवसरमा फागुन २५ गते मन्दिरमा २ करोड २५ लाख दीप प्रज्ज्वलन गरिने भएको हो । करिव २ सय जनाबाट १ भक्तले १ लाख २५ हजारका दरले दीप प्रज्वलन गर्ने बेहडाबाबा फाउण्डेशन नेपालका अध्यक्ष पदमराज जोशीले बताए । महाश्विरात्रीका दिन अपहाराह्न ३ः३० देखी ४ः३० बजेको समयमा दीप प्रज्ज्वलन गरिने बेहडाबाबा फाउन्डेसनले जनाएको छ ।यस वर्ष बेहडाबाबा मन्दिरको करिव ३ लाख भक्तजनले दर्शन गर्ने अनुमान गरिएको छ । भक्तजनको  सहजताका लागि  कैलालीको तीन ठाँउबाट ६ वटा बसबाट न्युन शूल्कमा सेवा दिने फाउण्डेशनका अध्यक्ष जोशीले बताए । उनका अनुसार धनगढीको क्याम्पस रोड बेली र चौमाला बाट दुई दुई बस सञ्चालन गरिने छ । महाश्विरात्री दिन लाग्ने मेलाको तयारी पुरा भएको बताइएको छ । शिवरात्रीको अवसरमा गरिने दीप प्रज्वलन कार्यक्रममा सबै भक्तजनले सहभागी हुन अनुरोध गरेका छन् ।