धनगढी, ४ असार।नेपाली कांग्रेसका सभापति तथा प्रधानमन्त्री शेरबहादुर देउवाले गेटा मेडिकल कलेजलाई स्वास्थ्य प्रतिष्ठान बनाउने बताएका छन् । शनिवार कैलालीको धनगढी उप–महानगरपालिकाको प्रशासनिक भवनको उद्घाटन गर्दै प्रधानमन्त्री देउवाले सो कुरा बताएका हुन् । कार्यक्रममा बोल्दै प्रधानमन्त्री देउवाले काठमाडौँ गए लगत्तै बिद्येयक ल्याएर गेटा मेडिकल कलेजलाई प्रतिष्ठान बनाउने प्रतिबद्धता ब्यक्त गरे । 
सरकारले डडेल्धुरामा मेडिकल कलेज बनाउने प्रस्ताव अघि बढाउने बितिक्कै कैलालीमा स्वास्थ्य प्रतिष्ठानको आवाज उठेकोमा प्रधानमन्त्री देउवाले खुसी समेत ब्यक्त गरे । सोही कार्यक्रममा बोल्दै प्रधानमन्त्री देउवाले  बिगतमा सुदूरपश्चिममा आफुले भोगेको दुःख सम्झिदै वर्तमान अवस्थामा बिकासले गति लिएको बताए । गौरीफन्टा नाकालाई कैलालीसंगै जोडेर नाकाको स्तरोन्नति  गर्नेमा प्रधानमन्त्री देउवाले आस्वास्त परे । 
कैलालीमा समस्याको रुपमा रहेको नदी कटान, डुवान र अतिक्रमणको समस्या  सामाधानकालागि आफुले पहल गर्ने समेत प्रधानमन्त्री देउवाको भनाई छ । सुदूरपश्चिम प्रदेशलाई सुन्दर प्रदेश बनाउनमा सबैले हातेमालो गर्नु पर्नेमा उनको जोड छ । सोही कार्यक्रममा वोल्दै सुदूरपश्चिम प्रदेशका मुख्य मन्त्री त्रिलोचलन भट्टले तीनै तहको सरकारले बिकासमा साझेदारी गरेर अगाडी बढ्नु पर्ने बताए ।  । मुख्यमन्त्री भट्टले पश्चिम सेति परियोजनाको कामलाई अगडी बढाउन प्रधानमन्त्री देउवाको ध्यानाकर्षण गराए । 
यस्तै धनगढी उप–महानगरपालिकाको प्रशासनिक भवनको उद्घाटन कार्यक्रममा मेयर गोपाल हमालले उप–महानगपालिकाको बिकासमा संघिय सरकार र प्रदेश सरकारको हतेमालोको आवश्यक रहेको बताए । ।धनगढी उप–महानगरपालिकाको प्रशासनिक  भवन  ७ कारोड २३ लाख  ४५ हजार १ सय ६७ को लागतमा निर्माण सम्पन्न भएको थियो । जसमा ४ करोड ८८ लाख ४५ हजार १ सय ६७ रकम  उप–महानगरपालिकाले  खर्च गरेको थियो । वाँकी २ करोड ३५ लाख संघिय सरकारको खर्च भएको थियो । बिक्रम सम्बत् २०७५ असोज १ गते ठेक्का सम्झौता भई २०७८ चैत मसान्तमा भवनको निर्माण कार्य सम्पन्न भएको थियो । पाँच तलामा निर्माण भएको सो भवनमा ३५ ओटा कोठा रहेका छन् ।