स्वतन्त्रको भेला १८ र १९ असारमा, सहभागी हुन १५ सय तिर्नुपर्ने
Share
कृत बिष्ट 2079-02-27

काठमाडौं/स्वतन्त्र उम्मेदवारको पहिलो राष्ट्रिय भेलामा उपस्थित हुन चाहनेले १५ सय रुपैयाँ​ तिर्नुपर्ने भएको छ। काठमाडौंमा स्वतन्त्र उम्मेदवारको पहिलो राष्ट्रिय भेला १८ र १९ असारमा हुँदै छ।
भेलामा सहभागी हुनका लागि असार १० गतेसम्म अनलाइन फारम भरिसक्नुपर्ने आयोजकले जनाएको छ।सहभागी हुने र सहयोग गर्नेले छुट्टाछुट्टै क्यु आर कोड स्क्यान गर्नुपर्ने आयोजकको भनाइ छ।
सहभागी हुन चाहनेले क्यु आर कोडमार्फत पैसा तिर्नुपर्ने छ। सोही रकमभित्र रहेर दुई दिनका लागि बिहानको खाजा, दिउँसोको खाना र अपराह्नको चियाको व्यवस्था गरिने बताइएको छ।
स्थानीय तहमा पाएको जनमतलाई सम्मान गर्दै आउँदो निर्वाचनको तयारी, रणनीति र कार्यदिशा तय गर्ने उदेश्यका साथ भेला आयोजना गरिने आयोजकले  जनाएको छ।