अब सासबाट पनि कोरोना परीक्षण, तीन मिनेटमा नतिजा
Share
कृत बिष्ट 2079-01-04

काठमाडौं, ४ बैशाख/अमेरिकामा मानिसको सासबाट कोरोना परीक्षण गर्ने विधिले अनुमति पाएको छ । त्यहाँको खाद्य तथा औषधि प्रशासन (एफडीए) ले आपतकालीन प्रयोगका लागि यो प्रविधिलाई अनुमति दिएको हो ।
सासबाट कोरोना परीक्षण गर्ने ब्रेथलाइजर मोबाइल वा घुम्ती परीक्षणमा प्रयोग गर्न प्रभावकारी हुन सक्ने एफडीएले जनाएको छ । यसको प्रयोगबाट तीन मिनेटमै नतिजा प्राप्त हुने बताइएको छ ।
अध्ययनअनुसार यस विधिबाट ९१ प्रतिशत सही नतिजा निस्किएको छ । कोरोनाको पछिल्लो भेरियन्ट ओमिक्रोनमा पनि सोही किसिमको नतिजा देखाएपछि एफडीएले प्रयोगको अनुमति दिएको हो । यद्यपि, पोजेटिभ देखिएका व्यक्तिको भने थप पुष्टि गर्नलाई पीसीआर विधिबाट थप परीक्षण गर्नुपर्ने प्रावधान राखिएको छ ।