धनगढी, २६ फागुन/धनगढी उपमहानगरपालिका वडा नम्बर १७ मा शहरी स्वास्थ्य केन्द्रको भवन उद्घाटन गरिएको छ । 
वडा नम्बर १७ को धुर्जन्नामा नवनिर्मित शहरी स्वास्थ्य केन्द्रको भवन धनगढी उपमहानगरपालिकाका नगर प्रमुख नृपबहादुर वड र उप प्रमुख सुशिला मिश्र ‘भट्ट’ ले संयुक्त रुपमा उद्घाटन गरे । 

आफ्नै भवनबाट सेवा सुरु भएसंगै स्वास्थ्य सेवामा सुधार हुने विश्वास गरिएको छ । अहिलेसम्म वडा नम्बर १७ मा दुई कोठे भवनबाट स्वास्थ्य सेवा दिदै आइको थियो । 

वडा अध्यक्ष माधवराज रानाको अध्यक्षतामा भएको भवन उद्घाटन कार्यक्रममा उपमहानगरपालिकाका प्रमुख प्रशासकीय अधिकृत रामलाल श्रेष्ठ, वडा सदस्य बमबहादुर बोहरा लगायतले शुभकामना मन्तव्य दिएका थिए । 

निर्मला जोशीले स्वागत गरेको कार्यक्रममा उपमहानगरपालिकाका बिभिन्न शाखा प्रमुख, स्थानीय लगायतको उपस्थिति रहेको थियो ।
यस्तै, वडा नम्बर १७ को वडा कार्यालयको भवन समेत उद्घाटन गरिएको छ । भवनको नगर प्रमुख नृपबहादुर वड र उपप्रमुख सुशिला मिश्रले संयुत्त रुपमा उद्घाटन गरे ।