भादा, २५ फागुन।धनगढी उपमहानगरपालिका–१६, भादामा तीन दिने होम स्टे व्यवस्थापन तालिम सुरू भएको छ । फागुन २७ गतेसम्म चल्ने तालिमको धनगढी उपमहानगरपालिकाका नगर प्रमुख नृपबहादुर वडले उद्घाटन गरे ।तालिमको उद्घाटन गर्दै नगर प्रमुख नृपबहादु वडले होमस्टेमा आउनेलाई स्थानीय परिकार खुवाउने वातावरण बनाउनुपर्ने बताए ।

सबै चिज स्थानीय स्तरमै उत्पादन गरेर सो को परिकार खुवाउनुपर्नेमा नगर प्रमुख वडले जोड दिए । नगर प्रमुख वडले भने, होमस्टेलाई अझै व्यवस्थित गरेर लग्नुस् स्थानीय उत्पादनलाई जोड दिनुस । वडा नम्बर १५ को विकासमा नगरपालिकाले प्राथमिकतामा राखेर काम गरेको बताए । होमस्टेलाई हामीले रिङ्ग रोडले घेरको छौ । पुल निर्माण गरेका छौ । बेहेडाबाबालाई प्राथमिकता राखेर काम गरिरहेका छौू नगर प्रमुख वडले भने, हामीले हाम्रो तर्फबाट हुने सबै काम गर्ने प्रयास गरेका छौ । मुख्य सडक केन्द्रीय सरकार मातहत परेकाले कालोपत्रे गर्न नसकेपनि मर्मत सम्भारमा निरन्तर लागेका छौ । 
उनले वडा नम्बर १५ मा एक हजार महुवाको बोट समेत लगाएको बताए । उनले महुवाको दारूलाई होमस्टेको ब्रान्डको रूपमा स्थापित गर्न बोट लगाएको बताए ।तराई भू–परिधि कार्यक्रम कोहलपुरको सहयोगमा सामुदायिक वन समन्वय समिति गौरीगंगाले तालिमको आयोजना गरेको हो । 
सामुदायिक वन समन्वय समिति गौरीगंगाका सचिव नविन कुमार बोहराले सञ्चालन गरेको उद्घाटन समारोहमा वडा नम्बर १६ का अध्यक्ष लक्ष्मीनारायण चौधरी, नेपाली काँग्रेसका कैलाली जिल्ला सहसचिव रामसमझ रानाले शुभकामना मन्तव्य राखेका थिए । 
सिएफसिसिका अध्यक्ष ओमप्रकाश सापकोटाको अध्यक्षतामा भएको उद्घाटन समारोहमा  उपाध्यक्ष विष्णुमाया जोशीले स्वागत मन्तव्य राखेकी थिइन् ।