धनगढी, २५ फागुन।धनगढी उपमहानगरपालिका वडा नम्बर ९ का महिला कृषकहरूलाई ३ दिने तरकारी खेती तालिम सुरू भएको छ ।
धनगढी उपमहानगरपालिकाको आर्थिक सहयोगमा सुनौलो भविष्य धनगढीले तालिमको आयोजना गरेको हो

।२७ गतेसम्म चल्ने तालिमको धनगढी उपमहानगरपालिकाका नगर प्रमुख नृपबहादुर वडले तालिमको उद्घाटन गरे । तालिमको उद्घाटन गर्दै नगर प्रमुख नृपबहादुर वडले वडा नम्बर ९ लाई हरेक विषयमा प्राथमिकता दिएर अगाडि बढाएको बताए । नगर प्रमुख वडले भने, ूधेरै तालिम दिएका छौ । कृषिको पकेट क्षेत्रका रूपमा अगाडि बढाउन पनि यो तालिम पनि सञ्चालन गरेका छौ ।

सुनौलो भविष्य नेपाल धनगढीकी अध्यक्ष तुलसा देवकोटाको अध्यक्षतामा भएको उद्घाटन समारोहमा स्वागत कोषाध्यक्ष यादव भण्डारीले गरेका थिए । संस्थाका महासचिव डण्डिराज सुवेदीले सञ्चालन गरेको उद्घाटन समारोहमा कार्यवाह वडा अध्यक्ष लाहुराम चौधरी, वडा सदस्य शारदा ताम्राकार लगायतले शुभकामना मन्तव्य व्यत्त गरेका थिए । 

उद्घाटन समारोहमा धनगढी उपमहानगरपालिका कृषि शाखा प्रमुख लोकराज उपाध्याय, स्वास्थ शाखा प्रमुख कृष्णबहादुर बोहरालगायतको उपस्थिति रहेको थियो । तालिममा ४० जनाको सहभागीता रहेको छ ।