डोटी, ९ फागुुन/बैतडीमा टिपर दुर्घटना हुुँदा तीन जनाको मृत्यु भएको छ । जिल्लाको पाटन नगरपालिका वडा नम्बर ३ को मानिकाखान–बोहोरीगाउँ कच्ची सडक खण्डमा बा ३ ख ४८७९ नम्बरको टिपर दुर्घटना हुँदा तीन जनाको घटनास्थलमै मृत्यु भएको इलाका प्रहरी कार्यालय पाटनका प्रहरी निरीक्षक राजेश शाहीले बताए ।
प्रहरीका अनुसार मृत्यु हुनेमा टिपरधनी ४५ वर्षका जनकराज पन्त, स्थानीय सिगास माध्यमिक विद्यालयमा पढ्ने विद्यार्थाी १७ वर्षका ललित अवस्थी र १३ वर्षका ज्ञानु विष्ट रहेका छन् ।
स्थानीयका अनुसार विद्यालयबाट फर्किँदा टिपर चढेका विद्यार्थीहरु दुर्घटनामा परेका हुन । दुर्घटनापछि प्रहरी र स्थानीयले उद्दार गरेका छन । दुर्घटनामा अन्य पाँच जना घाइते भएका छन । घाइतेलाई उपचारका लागि डडेल्धुरा अस्पताल पठाइएको छ । थप विवरण आउन बाँकी रहेको छ ।