रेष्टुरेन्टमा प्रहरीको छापा : तीन युवतीको उद्धार
Share
कृत बिष्ट 2078-11-09

धनगढी, ९ फागुन/धनगढीस्थित एक रेष्टुरेन्टबाट तीन युवतीको उद्धार गरिएको छ । धनगढी उपमहानगरपालिकाको रातोपुलस्थित टिनटिन रेष्टुरेन्ट एण्ड बारबाट तीन युवतीको उद्धार गरिएको हो ।
जिल्ला प्रहरी कार्यालय कैलालीका प्रहरी नायव उपरीक्षक वेदप्रकाश जोशीका अनुसार केही महिनादेखि बन्धक बनाएको गुनासोपछि उनीहरुको उद्धार गरिएको हो ।
‘काम गराउने भनेर ल्याएको तर तलब पनि नदिएको, बाहिर निस्कन पनि नदिएको गुनासो आएको थियो,’ प्रहरी नायव उपरीक्षक जोशीले भने, ‘सोही गुनासोको आधारमा तीन जनाको उद्धार गरिएको हो ।’ रेष्टुरेन्ट सञ्चालकसहित तीन जनालाई पक्राउ  गरिएको उनले बताए । उनले युवतीहरु पूर्वतिरको रहेको बताए । सो बिषयमा थप अनुसन्धान भइरहेको उनले बताए ।