‘गलत समय, स्थान र तरिकाले गरेका राम्रा काम पनि गलत हुन्छन्’
धनगढी, ८ जेठ । एमाले नेता कर्ण थापाले जनतामा जाने निर्णयलाईप्रतिगमन देख्ने पाँच पूर्वप्रधानमन्त्रीसहितका समुह नै जनविरोधी, व्यवस्था विरोधी र संविधानविरोधी काममा लागेको तथ्य राखेका छन् । एमाले सुदुरपश्चिम प्रदेशका अध्यक्ष थापाले सामाजिक सञ्जालमा आफ्नो धारणा राख्दै जनतामा जाने निर्णय सवैभन्दा उत्तम रहेको भएपनि षडयन्त्रमै रमाउनेहरुले प्रतिगमन देखेको ठोकुवा गरेका छन् ।
सार्वभौम जनतालाई निर्णय गर्न दिऊँ भन्दा प्रतिगमन देख्नेहरु जनविरोधी, व्यवस्था विरोधी र संविधानविरोधी हुन। राज्य शक्तिका श्रोत जनता हुन । जनताको फैसलालाई मान्नु हरेक लोकतन्त्रवादीको कर्तव्य हो। देश ठहरावमा रहन सक्दैन, थापाले भनेका छन् ।
थापाले फेसबुकमा राखेको धारणा जस्ताको तस्तै
सार्वभौम जनतालाई निर्णय गर्न दिऊ भन्दा प्रतिगमन देख्नेहरु जनविरोधी, व्यवस्था विरोधी र संविधानविरोधी हुन। राज्य शक्तिका श्रोत जनता हुन । जनताको फैसलालाई मान्नु हरेक लोकतन्त्रवादीको कर्तव्य हो। देश ठहरावमा रहन सक्दैन । अलमल र भ्रमपूर्ण कुरा नगरिकन सबै राजनीतिकपार्टीले जनताको विश्वास जित्न पटी लाग्नु उचित हो । जे भन्नु छ जनतालाई भन्ने र जनताको विश्वास जितेर देश चलाउनुको अर्को लोकतान्त्रिक विकल्प छैन ।
त्यस पोस्टमा विभिन्न मिश्रित प्रतिक्रिया आएका छन् । बिष्णु प्रशाद ज्ञावालीले लेख्छन् । , ‘
संविधान जनता देश केही नमान्ने र चुनिएका सांसद हरुले प्रम चुन्न नपाउने भएपछि फेरि यहि दोहोर्याउन किन अरबौँ खर्च गरेर चुनाब गर्ने?रास्ट्रपति ले खड्ग ओलिलाइ अबको ५ बर्ष प्रधानमन्त्री र आफू पनि ५ बर्ष रास्ट्रपती भनेर भोलि मध्यरातमा लेखेर प्रकाशित गर!किन चुनाब को नाटक गरेर, भनेर जनता झुक्याउने?संसदीय व्यबस्था खारेज गरौं !’
त्यसै पोस्टमा पूर्ण थापाले लेख्छन, ‘सर, गलत समय, स्थान र तरिकाले गरेका राम्रा काम पनि गलत हुन्छन् ! ओलीपक्षधर किन यति अन्धतमा गएको । अमेरिकी रास्ट्रपतिले आफ्नो देशलाई विक्री गर्ने या लिजमा दिने अधिकार राख्छन् । कहिल्यै सुन्नुभा' छ कुनै अमेरीकी राष्ट्रपतिले सिनेटमा त्यस्तो प्रकारको प्रस्ताव लिएको ? बेलायती संसदले त्यहाँका रानी र राजकुमारलाई मृत्यूदण्ड दिन सक्छ- म्याग्नाकार्टा पछि कतै सुन्नुभा'छ त्यहाँको संसदले त्यो संवैधानीक अधिकारको प्रयोग गरेको ?!
हो, त्यसैले मान्छेले, शभ्य र सुसँस्कृत मान्छेले अधिकार र कानून मात्र होइन, त्यसको औचित्यलाई समेत विवेकसंगत किसिमले हेर्छ र प्रयोग गर्छ । त्यो अध्यक्ष र प्रधानमन्त्रीमा (तपाईको) देखिएन ।’
