धनगढी, २८ पुस । प्रधानमन्त्री शेरबहादुर देउवाले दलहरुबीच सहमती नभए सरकार आफैले प्रदेश प्रमुख नियुक्ति गर्ने बताउनुभएको छ । धनगढी विमानस्थलमा शुक्रबार पत्रकारसंग कुरा गर्दै प्रधानमन्त्री देउवाले दलहरुबीच सहमती हुने सम्भावना कम भएकाले सहमति नभए सरकार आफैले प्रदेश प्रमुख नियुक्त गर्ने बताउनुभएको हो । उहा“ले अस्थायी राजधानीका लागि पनि सहमतिको प्रयास भइरहेको बताउनुभयो । प्रदेश प्रमुख र अस्थायी राजधानीबारे सरकारले सहमति गर्न खोजे पनि अन्य दलहरुले नमानेको उहा“को आरोप छ । कांग्रेस सभापति समेत रहनुभएका प्रधानमन्त्री देउवाले आफू राजीनामा दिन तयार रहेपनि राष्ट्रिय सभाको निर्वाचन वर्तमान सरकारले नै गर्नुपर्ने भएकाले समस्या भएको बताउनुभयो । उहा“ले निर्वाचन आयोगले राष्ट्रिय सभाको निर्वाचनको मिति तोकिसकेकाले अब निर्वाचनपछि मात्रै राजिनामा दिने प्रष्ट पार्नुभयो । सुदूरपश्चिमाञ्चल विश्वविद्यालयको शनिबार हुने दिक्षान्त समारोहमा सहभागि हुनका लागि उपप्रधानम एवं शिक्षामन्त्री गोपालमान श्रेष्ठसहित प्रधानमन्त्री देउवा शुक्रबार महेन्द्रनगरतर्फ जानु भएको छ ।