धनगढी, २८ कात्तिक/ नेपाली कांग्रेस सभापति शेरबहादुर देउवाले सुदूरपश्चिमको कालापानी र लिम्पियाधुरा नेपालकै अविभाज्य भूभाव भएको भन्दै यसमा कुनै विवाद गरिराख्नु पर्ने अवस्था नभएको बताएका छन् ।

बुधबार धनगढी विमानस्थलमा प्रेस युनियन कैलालीद्धारा आयोजित पत्रकार सम्मेलनमा बोल्दै सभापती देउवाले भारतले आफ्नो नक्साभित्र समावेश गरेको लिपुलेक, कालापानि, लिम्पियाधुरा लगाएतका नेपाली भुमी नेपालको भएको बताए ।

उनले सिमा अतिक्रमको बिषयमा सरकारले कुटनितीक पहल अगाडि चाल्नुपर्ने धारणा राखे । उनले महाकाली सन्धीमा महाकालीको पानि दुवै देशको साझा हुने गरी सहमति भएको र लिपुलेक तिनै देशको व्यापारीकेन्द्रको रुपमा सहमति भएको बताए ।

चीन, भारत र नेपालको त्रिदेशीय सीमानामा रहेको लिपुलेक तीन देशको व्यापारिक नाका (ट्राइजङ्कसन प्वाईन्ट) भएको बताउँदै उनले भने, ‘तर कालापानी र लिम्पियाधुरा हाम्रै भूमि हो यसमा विवाद जरुरी छैन।’

भारतीय पक्षले हालै काली नदीको मुख्य मुहान रहेको लिम्पियाधुरादेखि कालापानी र लिपुलेकसम्मको भूभागलाई भारतीय भूमिको रुपमा रहेको नयाँ नक्सा सार्वजनिक गरेपछि त्यसबारे चर्को विरोध हुँदै आएको छ ।

उक्त विषयमा पूर्वप्रधानमन्त्री समेत रहेका सभापति देउवाले यसबारे भारतीय पक्षले विवाद गर्न जरुरी नरहेको भन्दै सीमा विवाद तत्काल कुटनीतिक माध्यमबाट समाधान गर्न सरकारलाई सुझाव दिएका थिए ।

‘आगामी मंसीरमा हुने उप निवार्चनमा नेपाली कांग्रेसले एकजुट भएर सबै लाग्नु पर्छ’ काँग्रेस सभापति देउवाले भने –‘दुई तिहाईको दम्भलाई तोड्नुपर्छ ।’ सभापती देउवा सुदूरपश्चिम भ्रमणको लागी बुधबार धनगढी पुगेका हुन ।