सुरेश धामी

भाद्र, ३१ बझाङ/ बझाङको साइपाल गाउँपालिका वडा नं १ घर भएकी २४  बर्षकी रमादेवी बोहरालाई  आज साझ हेलिकप्टरबाट उद्धार गरिएको छ । तीन दिनदेखी सुत्केरी बेथा लागेर बच्चा जन्माउन नसकेपछि मंगलबार नेपाली सेनाको हेलिकप्टरले काडाँ स्वाथ्य चौकीबाट जिल्ला अस्पताल ल्याएको छ ।
मौसम खराव भएका कारण सुरुमा हेलिकप्टर अवतरण गर्न नसकेका कारण फिर्ता भएको थियो भने दोस्रो  उडान प्रयासपछि बोहरालाई देवल एरर्पोटमा अवतरण गरिएको हो । 
बोहराको एम्बुलेन्सबाट अस्पतालमा पुर्याईएको जिल्ला अस्पताल सिमखेतले जानकारी दिएको छ । उनको उपचारमा संलग्न डाक्टर सन्दीप ओखेडाले बोहराको रक्तश्राव भईरहेकोले अहिले तत्कालका लागि बोहराको उपचार जिल्ला अस्पतालमा नै गरिने जानकारी दिए ।

साइपाल गाँउपालिकामा स्वास्थ्य संस्थामा पर्याप्त स्रोत र साधन नभएको र सुत्केरीको अवस्था गम्भीर भएकोले नेपाली सेनाको हेलिकप्टरबाट उद्धार गरिएको प्रमुख जिल्ला अधिकारी उमेश पाण्डेले जानकारी दिए ।