धनगढी, १६ चैत ।
नेपाल पत्रकार महासंघको ६४ औँ स्थापना दिवस । देशै भरि बिबिध कार्यक्रमहरु गरी मनाईएको छ । स्थापना दिवसको अवसरमा पत्रकार महासंघ केन्द्र र जिल्ला शाखाहरूले आज विभिन्न कार्यक्रमहरुको आयोजना गरेका छन् ।

यता दिवसको अबसर पारेर नेपाल पत्रकार महासंघको कैलालीले धनगढीमा रहेको दृष्टि फाउण्डेन खाध्यन्न सहयोग गरेको छ । पत्रकार महासंघ कैलालीले मानसिक सन्तुलन ठिक नभएका २० जना बेसहारा महिलाहरुलाई आश्रय दिदै आएको फाउण्डेसनलाई खाद्यान्न सहयोग गरेकोे हो ।

महासंघ कैलालीका अध्यक्ष जगत साउदले ४ बोरा चामल, १० किलो दाल, ५ पोका तेल र ४ पोका नुन फाउण्डेसनकी अध्यक्ष कल्पना भट्टलाई हस्तान्तरण गरे । सहयोग हस्तान्तरण कार्यक्रममा पत्रकार महासंघ कैलालीका अध्यक्ष जगत साउद , क्षेत्रीय पार्षद् मनोमहन स्वार , सह सचिव श्रबण देउवा, कोषाध्यक्ष हिमाल जोशी र पत्रकार विरेन्द्र रावलको सहभागिता रहेको थियो ।  उक्त फाउण्डेसन मुठि दानवाट चल्दै आएको छ ।

महासंघको स्थापना दिवसका अवसरमा नेपाल पत्रकार महासंघ कैलालीका अध्यक्ष जगत साउँदले जिल्लाभरि छरिएर रहेका महासंघका सदस्य सहित नेपाली सञ्चारकर्मीहरुलाइ शुभकामना दिएका छन् । पत्रकार महासंघको स्थापना २०११ साल चैत १६ गते आजकै दिन भएको थियो ।