धनगढी । आज राति १२ बजेदेखि गंगादशहरा मेलामा बेहडाबाबा दर्शन गर्न जाने भक्तजनहरुका लागि निशुल्क बस सेवा सुरु गरिएको छ । धनगढी उपमहानगरपालिका–१६, रामपुर स्थित गंगादशहरा मेलामा जाने भक्तजनहरुका लागि आज राति १२ बजेदेखि भोली बेलुकासम्म निशुल्क बस सेवा सञ्चालन गरिने भएको छ ।
धनगढी उपमहानगरपालिका–१७, शिवगंगा नदीदेखि बेहडाबाबा मन्दिरसम्म निशुल्क बस सेवा सञ्चालन हुने उपमहानगरपालिकाका नगर प्रमुख गोपाल हमालले बताए । हिजो प्रमुख जिल्ला अधिकारी, बेहडाबाबा मन्दिर व्यवस्थापन सेवा समितिका अध्यक्ष लगायतको उपस्थितीमा बसेको बैठकले सो निर्णय गरेको उनले बताए।
तपाइको प्रतिक्रिया दिनुहोस्