धनगढी । कैलालीको टीकापुर घुम्न गएका फूलवारीका एक युवक एक हप्ता देखी वेपत्ता भएका छन् । जिल्लाको धनगढी उपमहानगरपालिका - १९, फूलवारी आई गाउँ घर भएका बर्ष १६ का आसिक जोशी वेपत्ता भएको उनको पारिवारले जानकारी दिएको छ ।

आसिककी दिदि कमला जोशीका अनुसार आसिक जेठ ८ गते घरबाट कसैलाई जानकारी नदिई घुम्न निस्केका थिए । सोही दिन सांझ सम्म आसिक घर नपुगेपछि परिवारले फोन गर्दा सोही वडाको खेदा टोलमा साथीहरु संग रहेको जानकारी दिएका थिए । 

भोलीपल्ट आफुहरुले फोन गर्दा कैलारी गाउंपालिकाको हसुलियामा रहेको जानकारी उनले परिवारलाई गराएको कमलाले बताइन् । आसिक घरबाट निस्केको तेस्रो दिन परिवारले फोन गर्दा आफु कैलालीको टीकापुरमा साथीहरु संग भएको बताएका थिए । 

परिवारलाई टिकापुरमा साथीहरु संग भएको जानकारी गराएका आसिकले केही समयपछि मोबाइल अफ गरेका थिए । त्यसपछि आसिक संग सम्पर्क हुन नसकेको परिवारले जानकारी दिएको छ । 
 
आसिककी आमाले अरुबेला कतै घुम्न नजान छोरो एकहप्ता देखी सम्पर्क बिहिन हुदां आफु सारै चिन्तित रहेको बताइन् । उनले छोराको अवस्था अज्ञात रहेकाले खोजी गरिदिन सबैलाई अनुरोध गरेकी छिन् । 

आसिक धनगढी-१९ आई गाउं स्थित जनप्रीय आधारभुत विद्यालयमा कक्षा ८ मा अध्ययनरत विद्यार्थी हुन् ।