धनगढी २७ असार
रौतहटमा हुने उपराष्ट्रपती कप महिला राष्ट्रिय फुटवल प्रतियोगिताका कैलालीबाट महिलाको टिम छनोट भएको छ । 
अखिल नेपाल फुटवल संघको आयोजनामा भैरहेको प्रतियोगिताका लागि मंगलबार धनगढी १२ जुगेडा स्थित मनकामना युवा क्लवको खेल मैदानमा खेलाडी छनौट भएको थियो ।
कैलालीका बिभिन्न स्थानबाट एक सय भन्दा बढी महिला खेलाडी सहभागि मध्ये दुई जना बैकल्पीक खेलाडी सहित १८ जानको टिम तयार गरेको कैलाली जिल्ला फुटवल संघका सदस्य तथा खेलाडी छनौट समितिका सदस्य चन्द्र बमले जानकारी दिए । 
कैलालीको महिला टोलीमा रेबिका पाण्डेय, बसौती नाथ, तुलसी माझी, अस्बीना तामाङ्ग, मोनिका पुलामी मगर, गंगा अधिकारी, मनकुमारी चौधरी, महिमा चौधरी, शुसिला चौधरी, ललीता रावल, कमला बिष्ट, अप्सरा भुसाल, सुस्मीता दबाडी, प्रतिक्षा चौधरी, सिर्जना सुनार, कल्पना बिष्ट (बैकल्पीक) र सरस्वती रोकाया (बैकल्पीक) रहेको सदस्य बमले जानकारी दिए । 
असार २७ गते देखी साउन ३ गते सम्म रौतहटमा हुने उपराष्ट्रपती कप महिला राष्ट्रिय फुटवल प्रतियोगिताको कैलालीको पहिलो खेल ३१ गते खेल्ने  खेलाडी छनौट समितिका सदस्य बमले जानकारी दिए । प्रतियोगिताका लागि कैलालीको टोली २८ गते रौतहट जाने तालिका तय भएको कैलाली फुटवल संघले जनाएको छ ।