भुटानी शरणार्थी प्रकरण:टोपबहादुर रायमाझी मेरो सम्पर्कमा छैनन् :अध्यक्ष ओली 
Share
फूलवारी खबर 2080-01-23

काठमाडौँ । नेकपा एमालेका अध्यक्ष केपी शर्मा ओलीले  आफ्ना पार्टीका सचिव तथा सांसद टोपबहादुर रायमाझी आफ्नो सम्पर्कमा नरहेको बताएका छन् । शनिवार प्रधानमन्त्री पुष्पकमल दाहालसँग नक्कली भुटानी शरणार्थी प्रकरणमा भइरहेको अनुसन्धानबारे छलफल गर्न ओली सिंहदरबार पुगेका ओलीले यस्तो बताएका हुन् ।

भेटपछि सञ्चारकर्मीहरूको प्रश्नमा उनले पक्राउ पुर्जी जारी भएपछि फरार रहेका रायमाझीको अवस्थाबारे आफू अनभिज्ञ रहेको बताएका हुन् । उनले आफूलाई  अपराधी जोगाउन लागेका भन्दै हल्ला फलाइएको आरोप पनि लगाएका छन् ।

नक्कली भुटानी शरणार्थी प्रकरणमा प्रधानमन्त्रीसँग अध्यक्ष ओलीको यो दोस्रो भेट हो । गत बिहीबार पनि दुई नेताबिच यसै विषयमा छलफल भएको थियो ।