ट्राफिक प्रहरी धामीकोे दुर्घटनामा मृत्यु
Share
फूलवारी खबर 2080-01-10

धनगढी । जिल्ला ट्राफिक प्रहरी कार्यालय कैलालीमा कार्यरत एक ट्राफिक प्रहरीको दुर्घटनाबाट मृत्यु भएको छ ।धनगढी उपमहानगरपालिकाको बोराडाँडीमा बिहीवार साँझ दुर्घटनामा घाइते भएका प्रहरी सहायक हल्दार जनकराज धामीको शनिबार मृत्यु भएको हो । 

जिल्ला ट्राफिक प्रहरी कार्यालय कैलालीका अनुसार धामी बिहीवार साँझ राजपुरको ट्राफिक बिट जाँदै थिए । मोटरसाइकल चलाइरहेका धामी बोराडाँडीमा गाईसँग ठक्कर खाँदा घाइते भएका थिए । घाइते धामीको शनिवार राति धनगढीको माया मेट्रो अस्पतालमा उपचारका क्रममा मृत्यु भएको जिल्ला ट्राफिक प्रहरीले बताएको छ ।