कैलालीको भजनीबाट ब्राउन सुगर सहित दुईजना पक्राउ
Share
फूलवारी खबर 2080-01-07

धनगढी । कैलालीको इलाका प्रहरी कार्यालय भजनीको टोलीले लागू औषध खैरो हेरोइनसहित दुई जनालाई पक्राउ गरेको छ । भजनी नगरपालिका वडा न ३ कुसुमघाटस्थित नेपाल भारत सीमा नाकाबाट उनीहरूलाई प्रहरीले पक्राउ गरेको हो ।

पक्राउ पर्नेमा घोडाघोडी नगरपालिका ३ बस्ने वर्ष २४ को अंकित चौधरी र आयरन चौधरी रहेका छन् । सु.प.प्र.०१/०१० प.५२३१ नम्बरको मोटरसाइकल चेक गर्दा अंकितको साथबाट ३१ ग्राम ७०० मिली ग्राम लागू औषध खैरो हेरोइन फेला पारेको जिल्ला प्रहरी कार्यालय कैलालीका प्रवक्ता डिएसपी कुलदिप चन्दले जानकारी दिए । प्रहरीले पक्राउ परेकालाई थुनामा राखी थप अनुसंधान भैरहेको जानकारी दिएको छ ।