फूलवारी । सरस्वती माध्यमिक विद्यालय, कैलारी गाउंपालिका –६, खरुवाखेराको विद्यालय व्यवस्थापन समितिको अध्यक्षमा  रुपलाल चौधरी सर्वसम्मत चयन भएका छन् ।  कैलारी गाउँपालिका–६ , खरुवाखेरा स्थित विद्यालको प्राङ्गणमा आज आईतबार सम्पन्न अभिभावक भेलाले चौधरीलाई समितीको अध्यक्षमा सर्बसम्मत चयन गरेको बिद्यालयका प्रधानाध्यापक कुम्भराज भट्टले जानकारी दिए । आजै बसेको अभिभावक भेलाले विद्यालयको शिक्षक अभिभावक संघको अध्यक्षमा बिस्णु प्रसाद चौधरीलाई सर्बसम्मत चयन गरेको छ । 

कैलारी गाउँपालिकाका शिक्षा शाखा प्रमुख गणेश मिश्रको प्रमुख आतिथ्यतामा सम्पन्न भेलाले ९ सदस्यीय विद्यालाय व्यवस्थापन समिती र ९ सदस्यीय शिक्षक अभिभावक संघ गठन गरेको छ । सो अभिभाबक भेलामा समाजसेबी , बुद्धिजिबि, जनप्रतिनिधि, गाउंका भल्मान्स लगायत अभिभाबको उपस्थीति रहेको थियो ।

विद्यालयको अध्यक्षमा सर्वसम्मत चयन भएका चौधरीले आफुलाई विश्वास गरेर अध्यक्षको जिम्मेवारी दिएकोमा सबैलाई धन्यबाद ब्यक्त गर्दै विद्यालयको विकास र शिक्षाको गुणस्तर बृद्धिका लागी शिक्षक, अभिभावक, समिति सबै मिलेर अगाडी बढ्नु पर्ने बताए । उनले हाल कक्षा १० सम्म संचालन भइरहेको विद्यालयलाई कक्षा १२ सम्म बनाउन पहल गर्ने र विद्यालको विकासका लागी हरसम्भव प्रयास गर्ने प्रतिबद्धता ब्यक्त गरे ।