रमेश ऐडी

धनगढी ,२५असोज । नेपाली काङ्ग्रेसका महामन्त्री विश्व प्रकाश शर्माले मंसिर ४ को चुनाब पछि गगन थापा नेपालको प्रधानमन्त्री बन्ने खुलासा गरेका छन् । बरिष्ठ  पत्रकार ऋषि धमला संगको अन्तरबार्तामा शर्माले नेपाली काङ्ग्रेसका अर्का महामन्त्री थापा प्रधानमन्त्री बन्ने खुलासा गरेका हुन् ।

धमलाले निर्वाचन पछि कस्को नेतृत्वमा सरकार बन्छ भनेर सोधेको प्रस्नको जवाफमा शर्माले झापा १ बाट पहिलो पटक चुनाब जितेर संसदमा जाँदै गर्दा प्रधानमन्त्रीको रुपमा आफुलाइ अघि सार्न व्यवहारिक नहुने बताए। उनले यो देशलाई बनाउंछु भन्ने भावना लियर हृदयमा आगो राखेर उभिएका गगन थापालाई प्रधानमन्त्री बनाउन आफू प्रस्तावक भयर उभिने बताएका हुन्  ।  

पत्रकार धमलाले गगन थापा प्रधानमन्त्री बन्ने आधार छ भनेर सोधेको प्रस्नको जवाफ दिदै शर्माले भने, २०६२/६३ को आन्दोलन देखि गगन थापाले बिकास गरेको व्यक्तित्वले उनी प्रधानमन्त्री  बन्ने बलियो आधार स्थापित गरेको छ। उनले गगन थापा सडकको आन्दोलन बाट पुष्टि भएको, जनताको बिचबाट निर्वाचित भएर संसदमा पुष्टि भएको र छोटो समय मन्त्री भएर  काबिल ढंगले काम गरेर  प्रधानमन्त्रीको लागि योग्य भएको दाबी गरे ।

उनले युवा प्रधानमन्त्री बनाउनु पर्छ भनेर आवाज उठाउने,परिवर्तनको आवाज बोल्ने ब्यक्तिलाई जनताले मत दियर संसदमा पठाएमा नेपाली काङ्ग्रेस र देशको रुपान्तरण हुने दाबी गरे ।