धनगढी, २ असोज। कैलाली जिल्लाको कैलारी गाउंपालिकाले बाढी पीडित जनताका लागि सहयोगको अपिल गरेको छ। पालिकाले आज बिज्ञप्ती जारी गर्दैे सरकारी निकाय, वित्तिय संस्था, गैर सरकारी संघ,संस्था, नागरिक समाज, उद्योगी, व्यापारी तथा आम नागरिकहरुमा सहयोग तथा समन्वयका लागि अपिल गरेको हो।

गाउंपालिका अध्यक्ष राजसमझ चौधरी द्धारा हस्ताक्षर गरिएको विज्ञप्ती अनुसार गाउंपालिकाको विभिन्न क्षेत्रमा आश्विन १ गतेका दिन आएको भिषण बाढीका कारण अधिकांश भागहरु डुवान, पटान तथा कटान परी लगाईएको धानवालीका साथै व्यापक मात्रामा धनमालको नोक्सानी भएको हुंदां यस विपदको समयमा कैलारीवासी नागरिकहरुको राहत, पुर्नस्थापनार्थ आवश्यक सहयोग तथा समन्वयका लागि सरकारी निकाय, वित्तिय संस्था, गैर सरकारी संघ,संस्था, नागरिक समाज, उद्योगी, व्यापारी तथा आम नागरिकहरुमा सहयोगका लागी अपिल गरिएको छ।